Sélection Coop

ᖁᓕᓪᓗ ᓯᑕᒪᐅᔪᕐᑐᓗ ᓄᓇᓖᑦ ᖁᓕᓪᓗ ᓯᑕᒪᐅᔪᕐᑐᓗ ᑯᐊᐯᑦ

ᑯᐊᐸᒥᑦ ᓇᓪᓕᑳᕆᑦ ᖃᐅᔨᒋᐊᑦᓯᐊᕈᒪᔭᕐᓂᑦ 
Kangiqsualujjuaq Kuujjuaq Tasiujaq Aupaluk Kangirsuk Quaqtaq Kangiqsujuaq Salluit Ivujivik Akulivik Puvirnituq Inukjuak Umiujaq Kuujjuarapik

Bannière nom coop

Puvirnituq

Description

ᑎᒥᖕᖑᑎᑕᕕᓂᐅᑦᓱᓂ 1960ᒥ ᐳᕕᕐᓂᑐᑉ ᑯᐊᐸᖓ ᐱᒋᐊᒃᑫᖃᑕᐅᓯᒪᕗᖅ ᓴᖅᑭᑎᑦᓯᖃᑕᐅᑦᓱᓂ ᑯᐊᐯᑦ ᐃᓚᒌᓴᖓᓂᒃ ᑯᐯᒻᒥ.

ᓯᕗᓪᓕᐹᑦ ᑯᐊᐯᑦ ᓴᖅᑭᔮᓯᓚᐅᕐᓯᒪᕗᑦ 1950ᑏᑦ ᐃᓱᑦᓯᖏᓐᓂ. ᐊᕐᓱᕈᖅᑎᑕᐅᑦᓱᓂ ᑐᑦᓯᐊᕕᖁᑎᖓᑕ ᐃᓄᖏᓐᓄᑦ, ᑐᓴᐅᒪᓕᕐᑐᓄᑦ ᓄᑖᒥᑦ ᖃᑭᒐᓱᐊᕈᑎᖃᓕᕆᐊᖏᑦ ᓄᓇᓕᑦ ᐊᓯᖏᑦ, ᐊᑖᑕᒃ ᐊᓐᑐᕆ ᓯᑌᓐᒪᓐ "ᐅᒥᑲᓪᓚᒃ", ᐃᑦᓯᒐᕐᔪᐊᑯᑦ ᑐᑦᓯᐊᕕᖓᓂᑦ ᐱᓇᓱᐊᖃᑎᖃᓯᔪᕕᓂᖅ ᐳᕕᕐᓂᑐᒥᐅᓂᑦ ᓴᐳᓐᓂᐊᔨᐅᓯᑦᓱᑎᒃ ᓇᑉᐯᓱᑎᓪᓗ ᑯᐊᐸᒥᑦ. ᖃᐅᔨᒪᔭᒻᒪᕆᐅᓂᕐᒥᑎᒍᑦ ᑕᒪᑦᓱᒪ ᒥᑦᓵᓄᑦ ᑐᖕᖓᓂᓕᕐᑎᕆᓂᐊᕐᑐᓂᒃ ᑲᑎᒪᔨᓕᐅᕐᓂᖁᑦ ᓯᕗᓪᓕᐹᓂᒃ ᐅᑯᓂᖓ, ᓵᓕ ᓯᕗᐊᕌᐱᒃ, ᐊᖑᔪᖅᑳᖑᓛᕐᓂᐊᓱᓂ ᑭᖑᓂᐊᒍᑦ, ᐊᒻᒪᓗ ᐁᓴ ᖁᐱᕐᕈᐊᓗᒃ, ᐲᑕ ᐊᖑᑎᒡᒋᖅ, ᐸᐅᓗᓯ ᓯᕗᐊᖅ, ᑖᓂᐊ ᖁᒪᖅ ᐊᖏᔪᖅ, ᐊᒻᒪᓗ ᑖᒧᓯ ᑐᓗᒐᖅ.

ᓇᑯᓗᐊᖕᖑᐊᓯᒪᔪᖅ ᓴᓇᐅᒐᕐᑏᑦ ᐃᓚᐅᓯᓐᓂᒪᑕ, ᓴᓇᐅᒐᕐᑕᒥᓄᓪᓗ ᐱᕈᕐᑎᓯᒍᓐᓇᓯᑦᓱᑎᒃ. ᐃᑲᔪᕐᓯᔭᐅᑦᓱᑎᒃ ᓴᓇᐅᒐᕐᑎᓄᑦ ᐱᓗᐊᕐᑐᒥ ᓄᓇᓕᒻᒥᑦ ᑯᐊᐸᖓᓄᑦ ᐊᕝᕙᑯᐃᒍᒪᓯᓐᓂᒪᑕ ᐱᒋᐊᕐᕕᓕᐅᑎᑦᓴᓂᑦ ᑯᐊᐸᒥᒃ.

ᑯᐊᐸᒃ ᐱᓂᐊᕐᓂᑖᕐᓱᓂᓗ ᓴᓇᐅᒐᕐᑏᑦ ᓴᓇᔭᖏᓐᓂᑦ ᓂᐅᕐᕈᓭᖃᑦᑕᓂᐊᓕᕐᓱᓂ ᓄᓇᓕᕐᔪᐊᑉ ᓯᓚᑖᓄᑦ, ᐊᕝᕙᑯᔭᐅᖃᑦᑕᓗᑎᒃ ᐳᓴᒥᑦ ᖄᖏᕐᓂᑯᓕᐊᖏᑦᑕ. ᐊᓱᐃᓛ ᓂᐅᕕᕐᑌᑦ ᐃᓚᖓ ᐅᑎᕐᑎᑕᐅᖃᑦᑕᓯᓐᓂᖁ ᐱᒋᐊᕐᕕᓕᐅᑎᐅᓯᑦᓱᓂ.

ᐊᑯᓂᐊᖕᖏᑎᑐᖅ ᑌᒪ ᑯᐊᐸᖃᑎᒋᓐᓂᒧᑦ ᐃᓱᒪᓂᖅ ᓲᖑᓯᓂᐊᓕᕐᒪᑦ, ᑐᖕᖓᕕᖃᑦᓯᐊᓱᓂᓗ ᐃᓄᐃᑦ ᐃᓱᒪᒍᓯᑐᖃᖓᓂᒃ ᐊᓐᓂᑐᑐᐊᕌᒥᑦ ᐊᒥᖅᑳᓂᕐᒥᑦ ᐱᐅᓯᖃᕐᓂᒪᑕ ᑌᒪᖕᖓᑦ. ᐊᒥᓱᐃᑦ ᒪᓕᒍᒪᓚᕿᓯᒪᔪᑦ, ᑖᒃᑯᐊᓗ ᑯᐊᐸᑦᑐᑦ ᐊᔪᕆᔭᖃᖕᖏᓂᕐᐸᐅᓯᑦᓱᑎᒃ ᑲᑦᓱᙰᓐᓂᐸᐅᑦᓱᑎᒃ, ᑯᐊᐸᑦᑑᖃᑎᓕᒫᕐᒥᓂᑦ.

ᓱᖑᓯᑎᑕᐅᑦᓱᑎᒃ ᐱᓇᓱᖃᑎᒋᑦᓯᐊᕈᓐᓇᓂᕐᒥᓄᑦ, ᐳᕕᕐᓂᑐᒥᐅᑦ ᑐᑭᓯᑦᓴᐅᑎᒋᓚᐅᕐᓯᒪᒋᕗᑦ ᑯᐊᐸᓐᓂᖅ ᐅᖓᓯᓐᓂᓴᕐᒧᑦ ᐊᔭᐅᕐᑕᐅᒍᓐᓇᒐᔭᕐᓂᖓᓂᒃ, ᓄᓇᓖᑦ ᐊᓯᖏᓐᓄᑦ ᐱᒋᐊᕐᑎᑕᐅᖃᑦᑕᓯᒍᑎᒃ, ᓄᓇᕕᒻᒥᐅᓂᑦ ᓱᖑᔪᒥᑦ ᐱᓇᓱᒍᑎᑖᕐᕕᐅᒐᔭᕐᖁᖅ ᐃᓄᑦᔪᑎᑖᕋᓱᐊᕕᓴᕐᒥᑦ ᒪᑭᑕᓂᕐᒧᐊᖓᔪᓂᓗ ᐱᕙᓪᓕᐊᑎᑦᓯᒐᔪᕐᑐᓂᑦ, ᒐᕙᒪᓄᑦ ᖃᑭᒐᓱᐊᕐᑐᓄᓪᓗ ᑲᒪᒋᖕᖏᓯᕐᑐᑕᐅᒍᓐᓇᖏᕐᓗᑎᐊᓪᓚᑦ.

ᑕᕝᕙᖓᑦ ᐊᓱᐃᓚ ᑯᐊᐸᓕᕆᕐᑐᑦ ᙯᖁᔭᐅᓕᓚᐅᕐᓯᒪᕗᑦ ᑲᑐᑦᔨᖃᑎᒌᕝᕕᒥᑦ ᑎᒥᓕᐅᕐᓂᑯᑦ ᐃᓚᒌᓴᕐᒥᒃ. ᐊᓱᐃᓛ ᐊᒥᓲᓂᕐᒥᓂᑦ ᓄᑭᑖᒃᑲᓂᕐᓱᑎᒃ, ᐃᑲᔪᕐᑎᒌᓯᓐᓂᖁᑦ ᐊᕐᓱᕈᓐᓇᑐᒃᑰᓕᕈᑎᒃ ᐱᓗᐊᕐᑐᒥ ᓴᐳᒻᒥᔨᒌᒍᒪᓕᕐᓱᑎᒃ ᐊᒻᒪᓗ ᓂᐅᕕᕈᓐᓇᓂᖏᑦ ᓲᖑᓯᖃᑎᒌᑦᓱᑎᒃ.

ᐱᓂᐊᕐᓂᖏᑦ

ᓂᐅᕕᕐᕕᖃᕐᑎᓯᓂᖅ

ᓂᐅᕕᕐᕕᒃ: 819-988-2972

ᒥᓇᕋᑎᐅᓂᖅ ᐅᕐᓱᐊᓗᓕᕆᓂᖅ   

ᓯᓂᒃᑕᕕᒃ ᐱᔪᑦᔨᓂᖅ  

ᓯᓂᒃᑕᕕᒃ: 819-988-2888

ᐃᓪᓗᖁᑎᒥᓂᒃ - ᓄᓇᖁᑎᒥᓂᑦ ᐊᑦᑕᑐᕐᑕᐅᑎᑦᓯᓂᖅ

ᖁᒻᒧᐊᑎᑕᐅᓯᒪᔪᒃᑯᑦ ᑕᓚᕖᓴᖅ 

ᐊᓯᕙᕐᓂᖅ ᐊᓱᒉᑦᑐᓯᐅᓂᑯᑦ

ᐃᓄᐃᑦ ᓄᓇᖓᓃᑦᑐᓂ ᙯᒥᕐᕈᑎᑦᓯᕕᒃ: 855-465-9474

ᓂᕆᕕᐅᒃ ᑲᑎᒪᕕᖓᓗ

ᓂᕆᕕᒃ: 819-988-2988

ᑲᑎᒪᕕᒃ: 819-988-2131