ᐲ-ᑑᕐᕖ, ᐁᐸᔭᓕ 8, 2020 –ᑌᒪ ᓄᕙᓐᓇᖅ COVID-19 ᓴᖅᕿᐸᓪᓕᐊᒪᑦ ᓄᓇᕕᒻᒧᑦ, ᐃᓚᒌᓴᖅ ᐋᖅᖀᓯᒪᒻᒪᑦ ᑲᑉᐲᑯᑕᑦᓴᓂᒃ ᐊᑐᕆᐊᓕᓐᓂᒃ ᑯᐊᐸᑦᑐᓄᑦ.  ᑖᒃᑯᐊ ᐊᒥᓱᑦ ᒪᓕᒐᑦᓭᑦ ᐊᓯᑦᔩᒪᑕ ᓂᐅᕕᕋᓱᐊᕈᓯᖏᓐᓂᒃ ᐱᐅᓯᐅᓲᓂᒃ ᐃᓄᐃᑦ ᑯᐊᐸᑦᑐᑦ.

“ᐱᐅᓯᕆᓲᑦᑎᓂᒃ ᓂᐅᕕᕋᓱᐊᕐᓗᑕ ᐊᑐᕆᐊᓪᓚᕕᖃᕈᓐᓀᑐᒍᑦ” ᐅᖃᕐᑐᖅ ᐃᓚᒌᓴᐅᑉ ᐊᖓᔪᖅᖄᒪᕆᖓ, ᒥᐊᔨ ᔪᐊᓇᓯ, ᑌᓗᐊᕐᓱᒍ ᖃᓄᑎᒋᐊᓗᒃ ᐱᒻᒪᕆᐅᑎᒋᓂᖓᓂᒃ ᑐᓴᕋᑦᓴᐅᑉ ᑐᓴᕐᑕᐅᒋᐊᖃᕐᓂᖓᑕ.  ᑖᓐᓇ ᓄᓇᕕᒻᒥ ᑯᐊᐸᓐᓂᖅ ᐊᒥᓲᓕᕙᓪᓕᐊᑎᑦᓯᓕᕐᑐᖅ ᑐᓴᕋᑦᓴᖁᑎᒥᓂᒃ ᐊᒥᓱᑲᓪᓚᐅᒪᑕ ᑯᐊᐸᔨᐊᑦ ᑌᒫᒃ ᐃᑲᔪᕐᓯᒪᓂᐊᒪᑕ ᐊᑑᑎᓕᕐᑎᓗᒍ ᖃᓂᒪᓐᓇᖅ.

ᐅᓪᓗᓂ ᑲᒥᖅ ᐊᓂᒍᕐᑐᓂ, ᐃᓄᐃᑦ ᑯᐊᐸᑦᑐᑦ ᐅᖃᐅᑎᔭᐅᓯᒪᔪᑦ ᐊᑕᐅᓯᑐᐃᓐᓇᒥᒃ ᐃᓚᒌᓂᑦ ᐃᓚᒥᓂᒃ ᓂᐅᕕᕐᕕᓕᐊᕐᑎᓯᖃᑦᑕᖁᑦᓱᒋᑦ ᓂᐅᕕᕆᐊᔨᐊᕐᒥᓂᒃ, ᐊᒻᒪᓗ ᓂᐅᕕᕐᓯᒪᖁᑦᓱᒋᑦ ᓈᒻᒪᒋᐊᕐᓂᐊᑐᓂᒃ ᐅᓪᓗᓄᑦ ᐊᒥᓱᒐᓛᓄᑦ.  ᑕᒪᑐᒪᐅᑉ ᐱᑦᔪᑎᖓ ᑕᒐ ᐃᑭᓐᓂᓴᐅᖁᑦᓱᒋᑦ ᐃᓄᐃᑦ ᓂᐅᕕᕐᕕᓃᑦᑐᑦ.  ᑲᒃᑲᓛᓪᓗ ᐃᑎᕆᐊᖃᑦᔭᒐᑎᒃ ᓯᓚᑖᓂᖁᔭᐅᔪᑦ ᐱᒍᓐᓇᕕᓕᒫᖓᓄᑦ ᐊᒻᒪᓗ ᐃᓄᒻᒪᕇᑦ ᑎᓕᔨᓯᒪᖁᔭᐅᒻᒥᓱᑎᒃ ᑎᓕᒐᑦᓴᒥᒃ ᓂᐅᕕᕆᐊᕈᑦᔨᔪᑦᓴᒥᒃ.  ᐊᑕᐅᓯᕐᒥᒃ ᑲᒪᔨᑕᓕᒃ ᐃᑖᔭᕐᑐᓂᒃ ᐊᓂᔪᓂᓪᓗ ᐅᐊᑎᒥ.  “ᑌᒪᓐᖓᓂᑦ ᓄᐃᓕᓚᐅᔪᑎᓪᓗᒍ ᑕᒪᓐᓇ ᖃᓂᒪᓐᓇᖅ ᑯᐯᒃᒥ, ᐊᖏᔪᑲᓪᓚᒥᒃ ᐃᑲᔪᕐᑎᒌᒍᑕᐅᖃᑦᑕᑐᖅ ᐃᓄᓐᓄᓗ ᑯᐊᐸᐅᓪᓗ ᐱᓇᓱᑦᑎᖏᓐᓄ.  ᖁᓚᑦᔭᖏᑦᑐᒍᑦ ᑕᒪᓐᓇ ᑲᔪᓯᔭᐅᓂᐊᕐᒪᑦ” ᐅᖃᕐᓱᓂ ᒥᐊᔨ.

ᐃᑉᐱᒍᓱᑦᓯᐊᕋᓱᐊᒻᒪᕆᑦᑐᒍᑦ ᓂᐅᕕᐊᑦᓭᑦ ᐊᖑᒪᔭᐅᒋᐊᖃᕐᓂᖏᓐᓂᒃ

ᐅᖓᑖᓅᕐᑌᓕᔭᐅᒻᒪᑕ ᑎᑭᓴᕐᑕᐅᔪᑦ ᐊᑐᕆᐊᓕᒻᒥᒃ ᑖᒃᑯᓇᓂ ᓄᓇᓂ 14ᓂ ᓄᓇᕕᒻᒥ ᐊᖓᔪᖅᖃᐅᑎᖏᓐᓄᑦ ᓱᕐᕃᓯᒫᕐᔪᒪᑦ ᐃᓚᒌᓴᐅᑉ ᐱᒐᔭᕐᑕᖓᓂᒃ ᓂᐅᕕᑦᓴᖃᕐᑎᓯᓂᕐᒧᑦ ᑯᐊᐸᓂᒃ.  ᓂᕿᑕᕐᑐᑦ ᐱᒍᓐᓇᑎᑕᐅᖏᓐᓈᑐᑦ ᐊᒻᒪᓗ ᐃᓚᒌᓴᖅ ᑲᔪᓯᔪᖅ ᓱᓕ ᐱᒐᓱᐊᕈᓐᓇᐅᑎᓕᒫᒥᓄᑦ ᐱᑦᓴᖃᕐᑎᓯᓂᕐᒥᒃ ᐃᓄᖁᑎᒥᓄᑦ ᑯᐊᐸᑦᑐᓄᑦ.

ᒪᓕᑦᓱᒋᑦ ᐅᓐᓂᑑᑎᐅᔪᑦ ᐋᓐᓂᐊᓂᓕᕆᔩᑦ ᐊᐅᓚᑦᓯᔨᖏᓐᓄᑦ, ᑯᐊᐯᑦ ᐃᓂᓪᓓᓯᒪᔪᑦ ᐊᒥᓱᐃᓂᒃ ᑲᒪᒋᒋᐊᓕᒻᒥᓂᒃ ᓴᐳᑦᔨᒍᑎᒥᓂᒃ ᖃᓄᐃᓐᖏᓯᐊᕈᑎᑦᓴᖏᓐᓂᒃ ᐃᓄᖁᑎᒥᑕ ᑯᐊᐸᑦᑐᓂᒃ ᐱᓇᓱᐊᕐᑎᒥᓂᓪᓗ: ᑐᑭᓕᕇᕝᕕᓂ ᓇᓗᓀᒃᑯᓯᕐᑐᐃᓯᒪᔪᑦ ᑐᑭᐊᒎᕐᕕᐅᒋᐊᓕᓐᓂᒃ ᖃᓂᑕᕇᖁᔭᐅᑦᔭᖏᒻᒪᑕ, ᐃᕐᕈᑐᕐᕕᓴᓂᒃ ᑲᑕᒻᒥ, ᓴᓗᒻᒪᓭᓗᑭᓐᓂᓴᐅᖃᑦᑕᑐᑦ, ᐊᓯᖏᓐᓂᓗ.  ᑕᒪᒃᑯᐊ ᐱᒐᓱᐊᕈᑕᐅᔪᑦ ᑲᔪᓯᑎᑕᐅᕗᑦ ᐁᑦᑐᑑᑎᑎᑦᓯᑌᓕᒍᑕᐅᑦᓱᑎᒃ ᖃᓂᒻᒪᓯᕐᒥᒃ.

 “ᑌᒣᓕᐅᓚᕿᔪᒍᑦ ᖃᓄᐃᓐᖏᓯᐊᕈᑎᑦᓴᖏᓐᓄᑦ ᐃᓄᖁᑎᑦᑕ, ᓱᓕᐅᒻᒥᔪᕐᓗ ᓱᒐᓗᑦᓱᒋᑦ ᐱᓇᓱᑦᑎᓕᒫᕗᑦ ᐱᑦᓱᒋᑦ, ᐱᓇᓱᑦᑎᓴᖃᓐᖏᑯᑦᑕ, ᑖᒃᑯᐊ ᑯᐊᐯᑦ ᑲᔪᒍᓐᓇᔭᖏᓐᓂᖏᓐᓄᑦ ᑕᒪᑐᒥᖓ ᐊᑐᓪᓗᐊᕆᐊᓕᒻᒥᒃ ᐱᒍᑦᔨᓂᕐᒥᒃ” ᑐᑭᓯᔭᐅᑎᑦᓯᕗᖅ ᒥᐊᔨ.  ᐃᓚᒌᓴᖅ ᑐᔪᐃᖃᑦᑕᑐᖅ ᐃᒐᓛᓂᒃ ᓂᐅᕕᕐᑎᓯᐅᑎᓃᑦᑐᓴᓂᒃ ᐃᓄᓕᕆᕕᓐᓂᓗ ᐊᓯᖏᓐᓂ ᑯᐊᐸᓄᑦ, ᑌᒪ ᓱᓕ ᐱᑕᖃᕋᑕᑦᔭᖏᑉᐸᑦ ᑕᒪᒃᑯᓂᖓ, ᐊᑐᕋᑦᓴᓂᒃ ᑮᓀᓕᑕᕐᓂᒃ ᑐᓂᐅᖅᙯᒥᔪᑦ.  ᐃᓚᒌᓴᐅᑉ ᓱᓇᑐᐃᓐᓇᑯᕕᖏᓐᓂ, ᖃᐅᔨᓴᐅᑎᓂᓗ ᐊᑐᐃᓐᓇᐅᑎᑕᐅᔪᓂᒃ, ᖃᐅᔨᓴᖃᑦᑕᕕᑦᓴᖏᓐᓂ ᐆᓇᕐᓂᒥᓐᓂᒃ ᐱᓇᓱᑦᑏᑦ ᐱᓇᓱᒋᐊᓚᐅᕋ.

ᐃᓚᒌᓴᖅ ᐱᑦᓱᒍ

ᓇᑉᐸᑕᐅᔪᕕᓂᖅ ᐊᐅᓚᑕᐅᑦᓱᓂᓗ ᓄᓇᕕᒻᒥᐅᓄᑦ 1959ᒥᓂᑦ, ᑖᒃᑯᐊ 14ᑦ ᑯᐊᐯᑦ ᓄᓇᕕᒻᒥ ᐊᒥᓱᐃᓕᕆᕗᑦ ᐱᒍᑦᔨᐅᑎᓂᒃ ᓄᓇᓕᒻᒧᑦ: ᓂᐅᕕᕐᕕᒥ, ᓯᓂᑦᑕᕕᓕᕆᓂᕐᒥᒃ, ᑳᓴᓖᕐᓂᐊᕕᓐᓂᒃ ᐅᕐᓱᐊᓗᒻᒥᓗ ᒥᓇᕋᕐᓂᒥᒃ, ᐊᓪᓚᓯᒪᔪᕐᓂᐊᕕᓐᓂᒃ, ᑕᑯᓐᓇᕈᑎᓂᒃ, ᓂᕆᕕᖃᕐᓂᒥᓪᓗ, ᐊᓯᖃᕐᒥᔪᑦ.

ᓇᑉᐸᑕᐅᒐᒥ 1967ᒥ ᐃᑲᔪᕐᓂᐊᓱᓂ ᓄᓇᕕᒻᒥ ᑯᐊᐸᓐᓂᒥᒃ ᐃᓱᐊᕐᓂᖓᒍᑦ ᐱᕈᕐᐸᓕᐊᑦᓯᐊᖁᓗᒍ, ᐃᓚᒌᓴᖅ, ᐃᑲᔪᕐᐳᖅ ᐃᓚᒌᓴᕐᑐᓂᒃ ᑯᐊᐸᓂᒃ ᒪᑯᑎᒎᓇ: ᓂᐅᕕᐊᑦᓴᓕᕆᓂᕐᒥᒃ, ᐃᓕᓐᓂᐊᑎᑦᓯᓂᕐᒥᒃ, ᐊᐅᓚᐅᓯᐅᕐᑎᖃᕐᓂᒥᒃ ᓯᑯᒥᓯᒪᔪᕐᓂᐊᑎᓂᒃ, ᐱᓇᓲᑎᓕᕆᕕᒻᒥᒃ ᑲᒪᔨᒻᒪᕆᓐᓄᓗ ᐃᑲᔪᕐᑕᐅᕕᓕᒃ,  ᐱᓇᓱᐊᕐᒥᓱᓂᓗ ᐊᑦᔨᒌᓐᖏᑐᓂᒃ ᐃᓄᒡᒍᑎᓴᓕᐅᕐᓂᓕᕆᓂᕐᓂᒃ ᑕᒐ ᓂᐅᕐᕈᓭᕕᒻᒥᒃ ᐃᓄᓕᕐᑕᓂᒃ, ᓂᐅᕐᕈᑐᓕᕆᓂᕐᒥᒃ, ᐊᒥᓱᐃᓕᕆᓂᕐᒥᓗ ᐊᑕᐅᑦᓯᑰᕐᑎᓯᓂᕐᒥᒃ, ᓴᓇᔨᖁᑎᖃᕐᓂᒥᒃ, ᐃᑯᒪᓐᓂᐊᓂᕐᒥᒃ ᐊᒻᒪᓗ ᐅᓯᑲᑦᑕᑎᖃᕐᓂᒥᒃ.

ᓄᓇᕕᒻᒥ ᑯᐊᐸᓐᓂᖅ ᐃᓄᖁᑎᖃᕐᒪᑦ ᐅᖓᑖᓄᑦ ᐅᓄᕐᓂᓕᓐᓂᒃ 11 000ᑦ ᐃᓚᐅᔪᖁᑎᖃᕐᓱᓂ ᐊᒻᒪᓗ 1 100ᓂᒃ ᐱᓇᓱᑦᑎᖃᕐᓱᓂ ᑖᒃᑯᐊᓗ 800 ᐱᓇᓱᐊᕐᐳᑦ ᑕᕐᕋᒦᑦᓱᑎᒃ.

- 30 -

ᑐᓴᕋᑦᓴᖅ:

Caroline Mailloux
ᑐᓴᕋᑦᓴᓕᕆᕕᒻᒥ ᐃᓄᓐᓄᐊᖓᔪᓄᓗ ᐱᓕᕆᕕᖓ ᐃᓚᒌᓴᖅ
caroline.mailloux@fcnq.ca
514 457-9371 ext. 436

PDF