ᒪᓐᑐᔨᐊᓪᒥ, ᒫᑦᔨ 19, 2020 - ᓄᓇᕕᒻᒥ ᑯᐊᐸᓐᓂᒥᒃ ᐃᖏᕐᕋᑎᑦᓯᖃᑕᐅᔪᑦ ᓱᖏᕐᑐᐃᒍᒪᕗᑦ ᓄᓇᓕᓐᓂᒃ ᓄᓇᖁᑎᓕᒫᖓᓃᑦᑐᓂᒃ: ᑯᐊᐸᓕᒫᑦ ᐅᒃᑯᐃᖔᑦᓯᐊᑐᑦ ᓱᓇᑐᐃᓐᓇᖃᑦᓯᐊᓱᑎᒃ.  ᐃᓚᒌᓴᒃ (FCNQ) ᐱᓇᓱᐊᒋᐊᓕᒥᓂᒃ ᐱᒋᐊᓪᓚᐅᑎᖃᑦᑕᑐᖅ ᐱᒍᑦᔨᒍᑎᓂ ᐊᑐᓪᓚᕆᑦᑐᑦ ᑲᔪᓯᑎᑕᐅᖁᓗᒋᑦ ᐱᓇᓱᐊᕐᓂᖓᓂᓗ ᖃᓄᐃᖕᖏᑐᑦᓯᐊᖑᖁᓗᒋᑦ ᑭᓇᒃᑯᓕᒫᑦ.

“ᖃᓄᐃᖕᖏᓯᐊᒋᐊᖃᕐᓂᖏᑦ ᐃᓚᐅᔪᖁᑎᑕ, ᐱᒍᑦᔨᕙᑦᑕᑕ ᐱᓇᓱᑦᑎᑕᓗ ᐃᓱᒪᒋᑦᓯᐊᓂᕐᐹᕆᖏᓐᓇᑕᕗᑦ.  ᑯᐊᐸᕗᑦ ᐊᐅᓚᑦᔭᒋᐊᓯᑦᓴᐅᑎᒋᖃᑦᑕᑐᑦ ᑕᒪᑐᒨᓇ.” ᐅᖃᕐᑐᖅ ᒥᐊᔨ ᔪᐊᓇᓯ, ᐊᖓᔪᕐᖄᖅ ᐃᓚᒌᓴᒥ.   ᑯᐊᐸᐅᔪᓂ, ᐱᓇᓱᑦᑎᖏᑦ ᐊᑐᓪᓚᕆᒋᐊᕐᓯᒪᔪᑦ ᓱᔪᙰᑦᑑᓂᕐᒧᑦ ᓴᓗᒪᒐᓱᐊᕐᓂᒧᓪᓗ ᐱᓇᓱᐊᕐᐸᑕᒥᓂᒃ.  ᐅᓇᓗ ᐆᓐᓂᑑᑎᒋᔭᐅᔪᖅ ᐃᓚᒌᖑᔪᑦ ᓂᐅᕕᕐᕕᓂ ᓂᐅᕕᕐᓂᐊᖃᑦᑕᖁᔭᐅᓕᕐᑐᑦ ᐃᑭᓈᕐᑎᓗᑎᒃ ᒪᑯᐊᓗ ᐃᓱᕐᕿᖏᑦᑐᑦ ᐊᓂᕐᕋᓯᒣᓐᓇᖁᔭᐅᑦᓱᑎᒃ, ᑕᒪᓐᓇ ᐃᓗᓯᓕᕆᔨᓄᑦ ᐆᓐᓂᑑᑕᐅᓯᒪᒻᒥᒪᑦ.  ᒪᐅᓇᓕ ᐱᓇᓱᐊᕐᑐᑎᒍᑦ, ᑕᒪᓐᓇ ᖃᓂᒪᓐᓇᖅ 19-ᓚᔭᖅ ᐃᕐᐸᐸᓪᓕᐊᖁᓇᒍ, ᐃᓚᒌᓴᒃ ᓄᓇᕕᒻᒥ ᐊᐅᓚᓂᐅᔪᓂᒃ ᓄᕐᖃᑎᑦᓯᓯᒪᔪᖅ ᐊᕐᕕᑕᔨᐊᕆᓲᒥᓄᑦ.

ᓱᓇᖃᑦᓯᐊᑐᖅ ᑕᕐᕿᓕᒫᑉ ᐅᖓᑖᓄᑦ ᑎᑭᔪᓐᓇᑐᓂᒃ

ᐃᒻᒪᖃᐅᑦᓵᓱᒍ 14 ᑯᐊᐸᐅᔪᑦ ᓱᓇᖃᑦᓯᐊᕈᓐᓇᓚᖓᔪᑦ ᑕᕐᕿᓕᒫᕐᑐᕈᓐᓇᑐᓂᒃ ᒪᕐᕉᓂᓪᓘᓃᑦ ᑌᒣᒍᓇᐅᑦᓱᓂᓗ ᑭᓯᖃᓯᐅᑎᓯᒪᓇᒋᑦ ᐸᓂᕐᑐᑦ ᐅᒥᐊᕐᔪᐊᑯᑦ ᑎᑭᑦᑐᕕᓃᑦ, ᑐᕓᔮᕈᑦ 2020 ᑎᑭᓪᓗᒍ ᓇᒻᒪᓚᖓᒍᓇᕐᓄᑦ ᑎᑭᑕᐅᓚᐅᔪᒻᒪᑕ. ᖃᓪᓗᓈᓂᓕ, ᐃᓚᒌᓴᒃ ᐱᓇᓱᐊᕐᒥᔪᖅ ᓱᓇᑐᐃᓐᓇᖃᐅᑎᓂᒃ ᐃᓗᓪᓕᑐᕐᓱᒋᑦ ᐊᐅᓪᓚᑎᒐᑦᓴᓂᓪᓗ ᑲᒪᑦᓱᓂ.  ᒪᑯᐊ ᐃᑯᓪᓚᒋᐊᕐᓂᐅᔪᑦ ᖃᖓᑦᑕᔫᓕᕆᔨᓄᑦ ᓄᓇᕕᒻᒥ ᐱᒍᑦᔨᓂᕐᓂ ᓱᕐᕃᓯᒪᓚᖓᖕᖏᑐᑦ ᓂᖀᑦ ᐱᖁᑏᓪᓗ ᐅᑦᓯᔭᐅᓂᖏᓐᓂᒃ.

ᒥᐊᔨ ᔪᐊᓇᓯ ᓱᖏᕐᑐᐃᒍᒪᔪᖅ “ᑯᐊᐸᓕᐊᓯᒍᑦᓯ ᓂᐅᕕᕐᓗᐊᒐᓱᒋᐊᑐᖕᖏᑐᖅ ᐅᐃᒪᔮᕐᓗᓂ. ᑐᑭᓯᒪᑦᓯᐊᓱᒍ ᐱᒍᑦᔨᓗᑐᒋᐊᖃᕐᓂᖅ ᐱᓇᓱᐊᖃᑦᑕᑐᒍᑦ ᓄᓇᕕᒻᒥᐅᑦ ᐊᒥᒐᕐᓯᓕᖁᓇᒋᑦ ᓱᓇᒥᒃ”.  ᐃᓚᒌᓴ ᖃᐅᑕᒣᑕ ᖃᓄᐃᓘᖃᑎᓕᒃ ᖃᖓᑦᑕᔫᕐᓂᐊᑎᓂᒃ ᐅᓯᑲᑦᑕᑎᓂᓪᓗ ᑲᒻᐸᓂᓂᒃ.

ᐅᑯᐊ ᐅᕐᖂᒐᓲᑎᑦᓴᔭᓂᒃ ᑲᒻᐸᓂᐅᑦᔪᑎᓖᑦ (ᐅᕐᓱᐊᓗᑦᓴᔭᓕᕆᓂᖅ, ᐅᕐᓱᐊᓗᓕᕆᓂᖅ) ᓄᓇᕕᒻᒥ ᑯᐊᐸᓐᓂᒥᒃ ᐊᐅᓚᑦᓯᔪᑦ ᓇᓗᓀᕐᓯᓚᐅᕐᒥᔪᑦ ᒪᑯᐊ ᐊᒥᒐᕐᓯᓂᐅᔭᖕᖏᒋᐊᖏᑕ ᐅᕐᓱᐊᓗᒻᒥᒃ ᒪᑯᐊᓗ ᐅᕐᓱᐊᓗᑦᑖᑎᖃᑦᑕᕆᐊᓖᑦ ᒥᓇᕋᕐᑕᐅᓯᐊᖏᓐᓇᓱᑎᒃ. ᐅᓯᑲᑦᑕᓂᕐᒥᓗ ᑲᒪᔪᑦ, ᐅᔭᕋᓐᓂᐊᓂᒃ ᐱᒍᑦᔨᓯᐊᖏᓐᓇᑐᑦ.  ᐃᓚᒌᓴᐅᑉ ᓂᐅᕐᕈᓯᒪᔪᑦᓴᓕᕆᓂᖓ ᐃᓚᒋᕙᑦᑕᖏᓪᓗ ᐊᖏᔪᑲᓪᓚᒥᒃ ᐊᑦᑐᑕᐅᓯᒪᓪᓚᕆᑦᑐᑐᐊᑦ ᐅᓪᓗᒥᒧᑦ.

ᓄᓇᕕᒻᒥᐅᑦ ᐱᓪᓗᒋᑦ ᓄᓇᕕᒻᒥᐅᑎᒎᕐᑐᒥᒃ

ᓄᓇᕕᒻᒥᐅᑦ ᑐᓴᐅᒪᑎᑕᐅᑦᓯᐊᖏᓐᓇᖁᓗᒋᑦ ᐊᑑᑎᓕᕐᑐᒥᒃ, ᐃᓚᒌᓴ ᑐᑭᑖᕐᓯᒪᔪᖅ ᑲᒪᖕᖏᑫᓐᓇᓚᖓᒋᐊᒥᒃ, ᖃᐅᔨᒍᑎᑦᓴᖅ ᑕᒐᐅᓕᖕᖏᓂᖓᓂ, ᑯᐊᐸᒃᑯᑎᒍᑦ ᑕᓚᕖᓴᓂᒃ ᑕᑯᑦᓴᐅᑎᑦᓯᕈᑎᓂᒃ ᑭᐱᓯᑲᑦᑕᓂᕐᒥᒃ ᐊᑭᓕᕐᑕᐅᒍᒪᐅᑎᓂᒃ ᐊᑭᓖᒻᒣᑐᓄᑦ.

“ᐱᔪᕆᐅᑎᐹᓗᒃᑲ ᐱᓇᓱᑦᑎᑕ ᐊᐅᓚᑦᔭᕆᐊᕐᓯᒪᓂᖏᑦ ᓄᓇᕕᒻᒥ” ᒥᐊᔨ ᔪᐊᓇᓯ ᖁᕕᐊᓲᑎᖃᕐᐸᓗᑉᐳᖅ ᐅᖃᕐᓱᓂ, ᓄᓇᓕᓐᓂ ᑐᓴᐅᑎᒃᑯᑦ ᓂᓪᓕᓴᐅᑎᒋᓚᐅᕐᑐᖅ ᐃᓄᐃᑦ ᑐᓴᐅᒪᑦᓯᐊᖁᓗᒋᑦ ᐱᓇᓱᐊᕈᑕᐅᕙᓪᓕᐊᔪᓂᒃ ᑯᐊᐸᐅᔪᓄᑦ.  ᐃᕐᙯᑎᑦᓯᔨᒋᓚᐅᕐᑕᕗᑦ ᐊᑕᐅᑦᓯᑰᑦᑕᓯᐊᕐᓂᖅ ᐃᓄᐃᑦ ᐃᓕᕐᕈᓯᖓᑎᒍᑦ ᐱᓪᓚᕆᐅᒋᐊᖓ ᓱᓕ. ᐊᑕᐅᑦᓯᑯᑦ, ᑯᐊᐸᓐᓂᐅᑉ ᑐᖕᖓᕕᓪᓚᕆᖓ ᐱᒋᐊᓚᐅᕐᓯᒪᕋᒥᓂᑦ 60-ᓂ, ᑐᑭᓕᒃ ᐱᕈᕐᐸᓕᐊᖃᑎᒌᓐᓂᒥᒃ ᐊᑕᐅᑦᓯᑰᕐᑐᒥᒃ, ᕿᒪᑦᑕᐅᔪᖃᕐᑎᓇᒍ.  ᐃᓚᒌᓴᒃ, ᐃᓄᐃᑦ ᑌᓯᒍᓯᖓ ᑯᐯᒻᒥ ᓄᑖᒥ ᑲᑐᑦᔨᖃᑎᒌᓐᓂᖓᓂᒃ ᑯᐊᐯᑦ, ᐃᓚᒌᖑᓂᕐᒧᑦ ᑐᑭᖃᕐᑎᓗᒍ ᐃᓱᒪᒋᔭᐅᓯᒪᔪᖅ.

ᐃᓚᒌᓴᐅᑉ ᓱᓇᐅᓂᖓ (FCNQ)

ᐱᒋᐊᖕᖓᓯᒪᔪᑦ ᑲᒪᒋᔭᐅᑦᓱᑎᒃ ᓄᓇᕕᒻᒥᐅᓄᑦ 1959-ᒥᓂᑦ ᓄᓇᕕᐅᑉ ᑯᐊᐸᖏᑦ 14 ᐱᒍᑦᔨᒍᑎᖃᕐᐸᑐᑦ ᐊᒥᓱᑲᓪᓚᓂᒃ ᓄᓇᓕᒻᒥᓄᑦ: ᓂᐅᕕᕐᕕᒃ, ᓯᓂᑦᑕᕕᒃ, ᐅᕐᓱᐊᓗᓐᓂᐊᕕᒃ, ᒥᓇᕋᕐᑎᖏᓪᓗ ᐅᕐᓱᐊᓗᓐᓂᒃ, ᐊᓪᓚᓕᕆᓂᖅ, ᑕᓚᕖᓴᖃᕐᑎᓯᓂᖅ, ᓂᕆᕕᖃᕐᓂᖅ, ᐊᓯᖏᓐᓂᓗ.

1967-ᒥᓂᑦ ᓄᐃᓯᒪᔪᖅ ᓄᓇᕕᒻᒥ ᑯᐊᐸᑦᑐᓂᒃ ᐱᓇᓲᑎᑦᓴᖃᑦᓯᐊᖁᔨᒧᑦ ᐱᕈᕐᐸᓕᐊᒍᑎᑦᓴᖏᓐᓂᒃ, ᐃᓚᒌᓴ, ᑯᐊᐸᓐᓂᒥ ᐃᓚᐅᔪᖁᑎᒥᓂᒃ ᓴᐳᑦᔨᓯᒪᓲᖅ ᐃᒫᒃ: ᓂᐅᕕᑲᑦᑕᓂᒃᑯᑦ, ᐱᔭᕆᐅᕐᓭᓂᒃᑯᑦ, ᐊᐅᓚᐅᓯᐅᕐᑎᖃᕐᑎᓯᓂᒃᑯᑦ, ᐊᐅᓚᑦᓯᔨᓂᒃ ᐱᓪᓗᑯᒋᐊᓕᑎᒍᓪᓗ ᓴᐳᑦᔨᓯᒪᓂᒃᑯᑦ.  ᐱᓇᓱᐊᕐᑐᐹᓘᕙᒻᒥᔪᖅ ᐊᑦᔨᒌᖏᑐᓂᒃ ᑮᓇᐅᔭᓕᐅᒐᓲᑎᓂᒃ ᐆᑦᑐᕋᐅᑎᒋᓗᒍ ᐃᓄᐃᑦ ᓴᓇᒐᖏᓐᓂᒃ ᓂᐅᕐᕈᓯᓂᖅ, ᓂᐅᕐᕈᓯᒪᔪᑦᓴᓕᕆᓂᖅ, ᑐᔪᕐᒥᐅᕕᑦᓴᓕᕆᓂᖅ, ᓴᓇᓂᖅ, ᐅᕐᖂᒐᓲᑎᑦᓴᓕᕆᓂᖅ ᐅᓯᑲᑦᑕᓂᕐᓗ.

ᓄᓇᕕᒻᒥ ᑯᐊᐸᓐᓂᒥᒃ ᐃᓚᐅᔪᑦ ᑎᑭᑦᑐᑦ 11,000-ᓄᑦ ᐱᓇᓱᑦᑎᖃᕐᓱᑎᒃ 1,100-ᓂᒃ, ᑖᒃᑯᓇᖕᖓᑦ 800 ᑕᕐᕋᒥ ᐱᓇᓱᑦᑐᑦ.

- 30 -

ᑐᑭᓯᒋᐊᕐᕕᓴᖅ :
ᖃᕈᓕᓐ ᒣᐆ
ᑐᓴᕐᑎᓯᒍᑎᓕᕆᔨ ᐃᓄᓕᕆᔨᐅᓪᓚᒥᓗ
ᐃᓚᒌᓴ – FCNQ
caroline.mailloux@fcnq.ca
514 457-9371 ext. 436

PDF