ᑑᕖ ᑲᖏᕐᓱᖓᓂ, ᒫᑦᔨ 24, 2020 - ᓄᓇᕕᒻᒥ ᑯᐊᐸᓐᓂᒥᒃ ᐊᐅᓚᑦᓯᖃᑕᐅᔪᑦ ᓱᖏᕐᑐᐃᒍᒪᕗᑦ ᐃᓚᐅᔪᖁᑎᒥᓂᒃ: ᑕᒪᓐᓇ ᐱᒍᑦᔨᓂᕆᔭᖓ ᓄᓇᓕᒻᒥ ᓲᕐᓗ ᓂᐅᕕᕐᕕᑕᖏᑦ, ᓯᓂᑦᑕᕕᖏᑦ, ᐅᕐᓱᐊᓗᓐᓂᐊᑎᖏᑦ, ᐊᓪᓚᓕᕆᓂᖏᑦ ᐊᒻᒪ ᑕᑯᓐᓇᕋᑦᓴᓂᒃ ᑲᒪᔨᖏᑦ ᐱᒍᑦᔨᒍᑕᐅᔪᑦ ᑲᔪᓯᓂᕐᒦᖏᓐᓇᑐᑦ. ᑕᒪᒃᑯᐊ ᐱᑕᖃᕆᐊᖃᓪᓚᕆᓂᑯᖏᓐᓄᑦ, ᐅᒃᑯᐃᖔᖏᓐᓇᑐᑦ, ᐊᒥᓱᑲᓪᓚᓗᑐᐃᑦ ᑯᐯᒃᒥ ᑮᓇᐅᔭᓕᐅᕐᕕᐅᔪᑦ ᒪᑐᔭᐅᓯᒪᓕᕐᑎᓗᒋᑦ, ᑯᐯᑉ ᐊᖓᔪᕐᖄᖓᑕ ᐅᖃᓚᐅᕐᒪᒍ ᒪᑐᔭᐅᖁᔨᑦᓱᓂ ᐃᑉᐸᓴᖅ.

“ᓂᕆᔭᑦᓴᑖᕐᕕᓴᐅᑦᓱᑎᒃ ᑖᒃᑯᓴᑑᓕᓲᖑᓂᑯᖏᓐᓄᑦ ᓄᓇᓕᓐᓂ, ᑯᐊᐯᑦ ᐱᑕᖃᕆᐊᓕᓪᓗᑐᐃᑦ ᓄᓇᕕᒻᒥ” ᐃᕐᙯᑎᑦᓯᒋᐊᕐᐳᖅ ᒥᐊᔨ ᔪᐊᓇᓯ, ᐃᓚᒌᓴᐅᑉ ᐊᖓᔪᕐᖄᖓ, ᐅᖃᖕᖏᓯᕐᑐᓱᓂ ᐅᒃᑯᐊᑎᕆᓂᖅ ᐸᕐᓇᑕᓂ ᐃᓚᒋᔭᐅᖕᖏᒋᐊᖓ.

ᐃᓗᓯᓕᕆᓂᕐᒥᒃ ᐊᖓᔪᕐᖃᐅᕕᓖᑦ ᑲᓇᑕᒥ ᐅᖃᕐᓯᒪᒐᓗᐊᕐᑎᓗᒋᑦ ᖃᓂᒪᓐᓇᖅ ᑭᓪᓕᕆᒐᔭᖕᖑᐊᑕᒥᕋᑕᖕᖏᓂᕋᕐᓱᒍ, ᑯᐊᐸᓐᓂᒧᑦ ᐱᓇᓱᖃᑎᒌᑦᑐᑦ ᐊᑐᐃᓐᓇᕈᕐᑎᖃᑕᐅᓪᓚᕆᑦᑐᑦ ᑕᒪᑐᒧᖓ. ᐃᓚᐅᔪᖁᑎᖏᑦ ᐱᓇᓱᑦᑎᖏᓪᓗ ᓂᕆᐅᑦᑐᓴᐅᕗᑦ ᓱᔪᙰᑦᑑᒐᓱᓐᓂᒧᑦ ᐊᑦᑕᓈᕿᑦᑌᓕᓂᕐᒧᓗ ᐱᓇᓱᐊᕈᑎᒋᔭᖏᑦ ᓱᖑᓯᒋᐊᕐᑕᐅᑐᐃᓐᓇᒋᐊᖃᕆᐊᖏᑦ ᐅᓪᓗᓂ ᐱᓇᓱᐊᕈᓯᓂᓪᓗ ᙯᔪᓂ.

ᐃᓚᒌᓴᖅ ᐊᑑᑎᓕᕐᑐᒥᒃ ᐱᖕᖑᐊᒐᓚᖕᖏᓗᑐᕐᑐᖅ

ᖃᓪᓗᓈᓂ, ᐃᓚᒌᓴ (Ilagiisaq-FCNQ) ᐊᐅᓚᑦᔭᒋᐊᕈᑎᖃᓚᐅᕐᑐᖅ ᓄᓇᕕᒻᒥᐅᑦ ᖃᓄᐃᖕᖏᓯᐊᖁᓗᒋᑦ. ᐱᓇᓱᑦᑐᓕᒫᑦ ᐊᓂᕐᕋᓯᒪᑦᓯᐊᓕᕐᑐᑦ ᐱᓇᓱᒐᖏᓪᓗ ᓄᕐᖄᓚᓯᒪᑎᑕᐅᑦᓱᑎᒃ ᓴᓇᕕᐅᖃᑦᑕᑐᓂ.

ᒪᑯᐊ ᐊᐅᓚᐅᓯᐅᕐᑏᑦ ᓴᓇᒻᒪᑎᑦᓯᔨᓪᓗ ᐃᓪᓗᓂᒃ ᓄᓇᒦᖏᓐᓇᑐᑐᐊᑦ ᓴᓇᖃᑦᑕᓂᖏᑦ ᑭᖕᖒᒪᓇᕐᒪᑕ ᐃᖏᕐᕋᓯᐊᖁᓗᒋᑦ ᑯᐊᐸᐅᔪᑦ ᑎᒥᐊᕈᖁᑎᖏᑕᓗ. ᐅᕐᓱᐊᓗᓕᕆᓃᑦ, ᑯᐊᐸᓐᓂᒥᒃ ᐱᓇᓱᐊᕐᑐᓄᑦ ᐃᖏᕐᕋᑎᑕᐅᑦᓯᐊᖏᓐᓇᑐᑦ ᐅᕐᓱᓴᖃᑦᓯᐊᖁᑦᓱᒋᑦ ᓄᓇᒃᑰᔫᑦ ᐃᓪᓗᖁᑕᐅᔪᓪᓗ.

ᐃᓚᒌᐅᑉ ᐊᓪᓚᕕᖏᓐᓂ, ᓱᓇᑐᐃᓐᓇᖃᐅᑎᖏᓐᓂᓗ ᓂᐅᕕᐊᑦᓴᖃᐅᑎᒋᔭᐅᓲᓂ ᒪᓕᒋᐊᖃᓪᓚᕆᑦᑐᑦ ᓱᔪᙰᑦᑐᓯᐊᖑᒋᐊᖃᕐᓂᒧᑦ ᒪᓕᒐᕐᓂᒃ ᒪᑯᐊᓗ ᐱᓇᓱᑦᑎᐅᖃᑕᐅᔪᑦ, ᐊᐅᓚᑦᓯᓂᓕᕆᓂᕐᒥᒃ ᐱᒍᑦᔨᔪᑦ ᑯᐊᐸᓐᓂᓗ ᓴᐳᑦᔨᓯᒪᓲᑦ ᐊᓂᕐᕋᒥᓂᒃ ᐱᓇᓱᐊᖃᑦᑕᓕᕐᑐᑦ. “ᐃᓚᒌᓴ ᓴᐳᑦᔨᓯᒪᖏᓐᓇᓚᖓᔪᖅ ᐃᓚᐅᔪᖁᑎᒥᓂᒃ” ᒥᐊᔨ ᐅᖃᕐᑐᖅ, ᑐᑭᓯᓇᕐᑎᓯᒋᐊᑦᓱᓂᓗ ᒪᓐᓇ, ᑕᒐᑕᒐᓪᓗᑐᖅ, ᐃᓚᒌᓴᐅᑉ ᐱᓇᓱᐊᖃᑦᑕᑕᒥᒍᑦ ᖃᓂᒪᓐᓇᐅᔪᒧᑦ ᐱᓂᕐᓗᑕᐅᓯᒪᖕᖏᒋᐊᖓ.

ᐃᓚᒌᓴᐅᑉ ᑐᑭᐊᓅᓕᖓᔪᑦ

ᓄᓇᕕᒻᒥᐅᓄᑦ ᓄᐃᑕᐅᓚᐅᕐᓯᒪᒐᒥ ᐊᐅᓚᑕᐅᓯᑦᓱᓂᓗ 1959-ᓂᑦ, 14 ᓄᓇᕕᒻᒥ ᑯᐊᐯᑦ ᐱᒍᑦᔨᒍᑎᖃᓲᖑᕗᑦ ᐊᒥᓱᑲᓪᓚᓂᒃ: ᓂᐅᕕᕐᕕᒃ, ᓯᓂᑦᑕᕕᒃ, ᐅᕐᓱᐊᓗᓐᓂᐊᕕᒃ ᐅᕐᓱᐊᓗᓕᕆᓂᕐᓗ, ᐊᓪᓚᓕᕆᓂᖅ, ᑕᑯᓐᓇᕈᑎᖃᕐᑎᓯᓂᖅ, ᓂᕆᕕᖃᕐᓂᖅ, ᐊᓯᖏᓐᓂᓗ.

1967-ᒥ ᓄᐃᓚᐅᕐᓯᒪᑦᓱᓂ ᓄᓇᕕᒻᒥ ᑯᐊᐯᑦ ᑎᑭᑕᐅᑦᑕᓯᐊᖁᓗᒋᑦ ᓂᐅᕕᐊᑦᓴᓄᑦ ᐊᑐᕐᓇᑐᒥᒃ ᐱᕈᕐᐸᓕᐊᑦᓯᐊᖁᓗᒍ, ᐃᓚᒌᓴᖅ ᓴᐳᑦᔨᓯᒪᓲᖅ ᑯᐊᐸᓐᓂᒥ ᐃᓚᒋᔭᒥᓂᒃ: ᑎᑭᓭᖃᑦᑕᓂᒃᑯᑦ, ᐱᔭᕆᐅᕐᓭᓂᒃᑯᑦ,
ᐊᐅᓚᐅᓯᐅᕐᑎᖃᕐᑎᓯᓂᒃᑯᑦ, ᓴᓇᒻᒪᑎᑦᓯᔨᖃᕐᓂᑯᑦ, ᐱᓪᓗᑯᒋᐊᓕᓕᑎᒍᓪᓗ ᐃᑲᔪᕐᓯᒪᓂᕐᒥᒃ ᐊᐅᓚᑦᓯᔨᓂᒃ.

ᐱᓇᓱᐊᖃᑕᐅᕙᒻᒥᓱᓂ ᐊᑦᔨᒋᖕᖏᑐᓂ ᑮᓇᐅᔭᓕᐅᒐᓲᑎᓂ ᓲᕐᓗ ᐃᓄᐃᑦ ᓴᓇᒐᖏᓐᓂᒃ ᓂᐅᕐᕈᓯᓂᖅ, ᓂᐅᕐᕈᓯᒪᔪᓕᕆᓂᖅ, ᑐᔪᕐᒥᐅᕕᓕᕆᓂᖅ, ᓴᓇᓂᖅ, ᐃᑯᒻᒪᖁᑎᑦᓴᓕᕆᓂᖅ ᐅᓯᑲᑦᑕᓂᕐᓗ. ᓄᓇᕕᒻᒥ ᑯᐊᐸᓐᓂᒥᒃ ᐊᐅᓚᑦᓯᔪᑦ ᐃᓄᖁᑎᖃᕐᐳᑦ 11,000-ᓂᒃ ᐃᓚᐅᔪᓂᒃ ᐊᒻᒪ 1,100-ᓂᒃ ᐱᓇᓱᑦᑎᓂᒃ ᑖᒃᑯᓇᖕᖓᓗ ᑕᕐᕋᒥ ᐱᓇᓱᑦᑐᑦ 800-ᖑᑦᓱᑎᒃ.

- 30 -

ᑐᑭᓯᓴᕐᕕᓴᖅ :
ᑲᕈᓕᓐ ᒣᐆ
ᑐᓴᕐᕈᑎᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᓇᓱᑉᕕᒥ
ᐃᓚᒌᓴᖅ - FCNQ
caroline.mailloux@fcnq.ca
514 457-9371 ext. 436

PDF