ᐃᓅᓕᕐᑐᕕᓂᖅ ᓱᑰᓐ, ᑲᒻᐴᑎᐊᒥ, 1949-ᖑᑎᓪᓗᒍ. ᐁᖕ ᑰᓐ ᕿᒫᓯᒪᔪᖅ ᐅᓇᑕᕐᑐᐊᓗᓐᓂ ᓄᓇᓕᒻᒥᕆᐊᓗᖑᓂ, ᑎᑭᓚᐅᑐᕕᓂᐅᑦᓱᓂᓗ ᒪᓐᑐᓕᐊᓪᒧᑦ ᓄᓇᖃᖕᖏᑐᖕᖑᓯᓕᕐᓱᓂ, ᔮᓄᐊᕆ 1980ᒥ. ᐃᓕᓐᓂᐊᓯᑦᓴᐅᑎᒋᔪᕕᓂᖅ Université de Montréal's École des hautes études commerciales (HEC)-ᒥ. ᐃᒫᑐᐃᓐᓇᐅᔭᖅᑐᑯᑦ ᑲᑎᓯᑦᓱᓂ ᐊᔭᐅᓕᕐᑎᓗᒍ, ᐁᖕ ᐱᓇᓱᐊᒐᑦᓴᑕᕐᑐᕕᓂᖅ ᐃᓚᒌᓴᖓ ᑯᐊᐯᑦ ᑯᐯᒃ ᑕᕐᕋᖓᓂ (ᐃᓚᒌᓴᖅ) ᐃᑲᔪᕐᑎᐅᓯᑦᓱᓂ ᐊᓪᓚᓕᕆᕕᒻᒥ, ᐊᐅᔭᒃᑯᑦ ᐱᓇᓱᑦᑎᐅᑭᓐᓇᓚᖓᑦᓱᓂ. ᑌᑯᓂ ᐊᕐᕌᒍᒥ ᓄᓇᕕᒻᒨᕆᐅᓯᒪᔪᖅ. ᑕᓪᓕᒪᓂ ᐅᓪᓗᓂ ᓯᕗᒧᐊᒋᑦᓴᕋᒥ, ᐃᓄᓐᓂᒃ ᑕᑯᒋᐅᓚᐅᑐᕕᓂᖅ.

ᐁᖕ ᐃᓕᓭᖃᑕᐅᓯᒪᓪᓚᕆᒻᒥᔪᖅ ᓄᓇᕕᒻᒥ ᑯᐊᐯᑦ ᑲᒪᔨᖏᓐᓂᒃ, ᐊᓪᓚᓕᕆᒍᓯᓂᑦ ᐊᑦᑕᓇᖕᖏᓂᕐᓴᑯᕐᑐᓂᒃ, ᐊᓪᓚᓕᕆᓃᓪᓗ ᐱᐅᓯᖃᕈᑎᖏᓐᓂᒃ. ᐁᖕ ᐃᓚᒌᓴᐅᑉ ᑮᓇᐅᔭᓕᕆᔨᒻᒪᕆᖓᓄᑦ ᐃᑲᔪᕐᑎᐅᓯᔪᕕᓂᖅ 1987ᖑᑎᓪᓗᒍ. ᑮᓇᐅᔭᓕᕆᔨᒻᒪᕆᔨᖕᖑᓱᓂ 1989ᒥ. 1995ᒥ ᐁᖕ ᐊᔪᐃᓐᓇᑐᒻᒪᕆᖁᑎᒋᔭᐅᓕᓐᓂᒥᔪᖅ ᑐᕃᓐᓇᑐᕐᑎᒍᑦ ᑮᓇᐅᔭᕐᓂᑦ ᐊᑐᐃᓐᓇᖃᕐᑎᑕᐅᒍᓐᓇᓯᒐᓱᑦᑎᓯᑦᓱᓂ La Caisse d'économie solidaire Desjardins (CECOSOL) ᓯᑯᓵᓪᑯᑦ, Investissement Québec ᑯᓪᓄᓗ ᖃᑭᒐᓱᐊᒍᑎᓕᕆᔭᒻᒪᕆᒃᑯᑦ ᑯᐊᐯᑦ ᐱᓇᓱᑦᑕᖏᓐᓄᑦ. ᓯᕗᓂᐊᒍᑦ ᑯᐊᐯᑦ ᐃᓱᒪᒋᔭᐅᕙᓂᒪᑕ ᓇᖏᐊᕐᓇᑑᓂᒐᕐᑕᐅᓱᑎᒃ, ᐃᓗᐃᒃᑲᖑᕐᑎᓱᒋᑦ ᑭᓯᐊᓂ ᐊᑦᑕᑐᐊᕐᑖᒍᓐᓇᐸᑦᑐᕕᓂᐅᑦᓱᑎᒃ.

ᐁᖕ ᐃᑲᔪᕐᑎᐅᓚᕆᑦᓯᒪᑦᓱᓂᓗ ᐃᓚᒌᓴᒃᑯᑦ ᐊᖏᖃᑎᒌᒐᓱᐊᕐᑎᓗᒋᑦ ᐊᐅᓚᑦᓯᔨᐅᒍᒪᓂᕐᒧᑦ ᐅᕐᓱᐊᓗᓐᓂᐊᓂᕐᓂᑦ, ᐱᖓᓱᓂᒃ ᓄᓇᕕᒻᒥ ᓄᓇᓕᐅᔪᓂᒃ ᐱᒍᑦᔨᓗᑎᒃ. ᐅᕐᓱᐊᓗᓐᓂᐊᓂᕐᒧᐊᖓᔪᑦ ᐅᓪᓗᒥ ᐱᒻᒪᕆᖑᓯᒪᓕᕐᖁᑦ ᐃᓚᒌᓴᐅᑉ ᐃᑎᕐᑎᑕᖏᑦᓄᑦ.  

2005ᒥ, ᐁᖕ ᐃᓚᒌᓴᕐᒥ ᑲᒪᔨᒻᒪᕆᒻᒧᑦ ᐃᑲᔪᕐᑎᖑᕐᑎᑕᐅᓐᓂᖁᖅ. ᑲᒪᔨᒻᒪᕆᖕᖑᓱᓂ 2010ᒥ. 2015ᒥ ᐁᖕ ᐃᓕᑕᕆᔭᐅᒍᑎᑕᕐᑎᑕᐅᓐᓂᖁᖅ ᐃᓕᑕᕆᔭᐅᔪᑦᓴᐅᓂᖓᑎᒍᑦ Conseil québécois de la coopération et de la mutualité (CQCM)ᑯᓐᓄᑦ. ᐱᒍᑦᔨᔨᐅᓯᒪᓕᕐᓱᓂ 35ᓂ ᐊᕐᕌᒍᓂ, ᐁᖕ ᑐᓂᕐᖁᑎᖃᕐᓯᒪᕗᖅ ᐃᓅᓯᕐᒥᑕ ᓇᑉᐸᓗᐊᓕᒫᖓᓂ ᐱᓇᓱᑦᑎᐅᓂᒃᑯᑦ ᐃᓚᒌᓴᒃᑯᓄᑦ, ᑯᐊᐸᓐᓄᓗ ᓄᓇᕕᒻᒦᑐᓄᑦ. ᐅᐱᒪᒋᔭᖃᕐᓱᓂᓗ ᐱᒍᑦᔨᓯᒪᓂᕐᒥᓂᒃ ᐃᓚᒌᓴᕐᒥ ᑯᐊᐸᓐᓂᓗ, ᓇᖏᐊᓇᖏᑦᑐᒧᑦ ᑎᑭᑎᓯᒪᖃᑕᐅᓂᕐᒥᑎᒍᑦ. 

"ᐅᑎᒧᑦ ᑕᑯᓴᕋᒪ, ᑕᑯᓯᒪᕗᖓ ᐊᒥᓱᓂᒃ ᐱᔭᕆᓯᒪᔭᑦᑎᓂᒃ," ᐁᖕ ᓚᓯᒪᔪᖅ. "ᐅᐱᒍᓱᒻᒪᕆᑉᐳᖓ ᐃᓄᓐᓄᑦ ᓲᓱᒋᔭᐅᓯᒪᒐᒪ," ᓄᕐᖃᓂᖓ ᑲᑎᒪᔪᓂ ᐅᖄᔭᐅᑎᓪᓗᒍ, ᐁᖕ ᑰᓐ ᒫᓐᓇᐅᓂᖓᓂ ᐃᓚᒌᓴᐅᑉ ᑲᒪᔨᒻᒪᕆᕆᓯᔭᖓᓄᑦ ᐃᒫᙰᑎᐅᓚᖓᔪᖅ ᕙᕌᓐᓱᐊ ᑌ-ᒧᑦ.  

ᕙᕌᓐᓱᐊ ᑌ ᐱᓇᓱᐊᓯᔪᕕᓂᖅ ᐃᓚᒌᓴᒃᑯᓂ 1992ᒥ, ᐊᓪᓚᑯᕕᓕᕕᒻᒥ ᐃᑲᔪᕐᑎᐅᓱᓂ. ᐊᑯᓂᐊᖏᒪᕆᑦᑐᖅ ᐊᓪᓚᖁᑎᓂᐊᑎᐅᓯᑦᓱᓂ, ᑯᐊᐸᓂᒃ ᐱᒍᑦᔨᔨᐅᑦᓱᓂ. ᐱᓇᓱᐊᕐᓱᓂ ᑌᑲᓂ ᓄᓇᕕᒥ ᓄᓇᓕᓐᓂᒃ ᐊᕐᑕᕐᑎᐅᓱᓂ ᖃᐅᔨᓚᕆᑉᐸᓕᐊᓯᓐᓂᖁᖅ. 2000ᖑᑎᓪᓗᒍ ᑯᐊᐯᑦ ᐊᐅᓚᑦᓯᔨᖏᑦᑕ ᐃᑲᔪᕐᓯᔭᐅᕕᖓ ᐊᓪᓚᑯᕕᓕᕆᒍᔾᔭᕕᒻᒥᓗ ᑲᒪᔨᖑᓱᓂ. ᓴᐳᒻᒥᔨᐅᑦᓱᓂ ᑯᐊᐯᑦ ᑲᒪᔨᒻᒪᕆᖏᓐᓂᒃ, ᐊᐅᓚᑦᓯᔨᐅᓂᖏᓐᓄᐊᖓᔪᖅᑎᒍᑦ ᐃᑲᔪᓲᒍᑦᓱᓂᓗ ᑐᑭᑖᒐᓱᐊᓕᕐᒪᑕ. 2007ᒥᓂᑦ ᑯᐊᐯᑦ ᖃᑭᒐᓱᐊᒍᑎᒋᒍᒪᔭᖏᓐᓂᒃ ᕿᒥᕐᕈᑎᐅᓯᒪᓱᖅ, ᑐᖓᓕᐊᒍᓪᓗ ᕿᓂᖅᑎᒋᔭᐅᑦᓱᓂ ᐱᓇᓱᐊᕐᑕᐅᔪᒪᔪᑦ ᑮᓇᐅᔭᖃᕐᑎᑕᐅᒍᑎᑦᓴᖏᓐᓂᒃ.

ᕙᕌᓐᓱᐊ ᑌ ᐃᑲᔪᓲᒍᕗᖅ ᑯᐊᐸᓂᒃ ᐃᓚᐅᔪᓂᒃ, ᐊᑐᐃᓐᓇᕈᕐᑎᕆᑦᓱᓂ ᐱᓇᓱᑦᑐᑦ ᐸᕐᓇᓯᒪᐅᑎᑦᓴᖏᓐᓂᒃ, ᐱᓇᓱᑦᑕᐅᓯᔪᓂᓪᓗ ᐱᒋᐊᕐᑎᓯᔨᐅᖃᑕᑦᓱᓂ. ᑲᑎᒪᖃᑕᐅᖃᑦᑕᓯᒪᔪᖅ ᐃᓚᒌᓴᐅᑉ ᐳᕐᑐᓂᕐᐹᖏᓐᓄᑦ ᑲᒪᔨᖏᑦᑕ ᑲᑎᒪᔨᐊᐱᖏᓐᓄᑦ, ᐱᒋᐊᓂᖓᓂᑦ ᐊᓪᓚᑦ ᐃᓚᐅᖃᑕᐅᑦᓯᒪᑦᓱᖅ 2011ᒥ. ᐊᖓᔪᖄᒍᓯᒪᑦᓱᓂᓗ ᓄᓇᕕᒻᒥ ᑯᐊᐸᑦᑐᑦ ᐱᕙᓪᓕᐅᑎᑕᐅᓂᖏᓐᓄᑦ ᑮᓇᐅᔭᖁᑎᖏᓐᓄᑦ, ᐃᓚᒌᓴᐅᕐᒧᑉ ᓴᕐᕿᑎᑕᐅᓯᒪᓱᒥᑦ 2013ᖑᑎᓪᓗᒍ. 24ᓂᑦ ᐊᕐᕌᒍᓂ ᐱᒍᑦᔨᓯᒪᓕᕐᓂᒥᑎᒍᑦ, ᐃᓚᒌᓴᕐᒥ ᑲᒪᔨᒻᒪᕆᐅᒍᓐᓇᓂᖓ ᖃᐅᔨᒪᓇᕐᑐᖅ.

ᑲᔪᓯᒃᑫᔨᓚᕇᑦ ᑲᑎᒪᔨᓪᓗ ᕙᕌᓐᓱᐊ ᑌ-ᒥᑦ ᐅᐱᒍᓱᓐᓂᖃᒍᒪᕗᑦ, ᐱᒋᕐᕕᓕᐊᓯᓂᖓ ᐱᓪᓗᒍ ᐱᔭᑦᓴᑖᕆᔭᒥᓄᑦ.

ᑐᓴᕆᐅᕕᓴᖅ:  ᒫᓂ ᓚᐅᕆᑦ
Tel. : 514-457-9371, poste 504
Courriel : emanuel.lowi@fcnq.ca

PDF