ᐃᓚᒌᓴᖅ ᑐᓂᔭᐅᓐᓂᒪᑦ 10.5M$ ᒥᓕᐅᓂᒃ ᑕᑕᐅᑎᓂᒃ ᑲᕙᒪᑐᖃᒃᑯᑦ ᑮᓇᐅᔭᖃᕐᑎᓯᐅᑎᖓᓐᓂᒃ ᐱᑎᓪᓗᒍ ᐃᖏᕐᕋᔪᓕᕆᔪᓂᑦ ᑲᓇᑕᒥ ᓯᕗᓕᐅᕆᒋᐊᕐᓯᒪᐅᑎᑦᓴᓂᒃ ᐊᕙᑎ ᐅᖑᒪᔭᐅᖁᓗᒍ ᐊᒃᑐᐊᔪᖅ ᐅᕐᓱᐊᓘᑉ ᐊᐅᓚᑕᐅᓂᖓᓄᑦ ᑕᕐᕋᒦᑦᑐᓄᑦ ᓄᓇᓕᓐᓄ.  ᓇᑯᕐᒦᒃ ᐃᑲᔪᕐᓂᖓᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᑦ, ᓄᓇᕕᒻᒥ ᑯᐊᑉ ᐃᓚᒌᓴᖅ ᐱᒍᓐᓇᓯᔭᐅᓚᐅᕐᒪᑦ ᑲᕙᒪᑐᖃᒃᑯᑦ ᐱᓇᓱᐊᕐᓂᖓᓄᑦ ᐊᒻᒪᓗ ᑐᓂᔭᐅᓗᓂ ᐊᑦᔨᒌᓐᖏᑐᓂᒃ ᐱᓇᓱᐊᕋᑦᓴᓂᒃ ᐅᓐᓂᑑᑎᓂᒃ ᑕᒪᓐᓇᓗ ᐊᖏᓕᐅᒥᐅᑎᐅᓂᐊᕐᓱᓂ ᑲᑉᐲᑯᑕᕐᒥᒃ ᐊᒻᒪᓗ ᐱᑦᓯᐊᕆᐊᓪᓚᐅᑎᑦᓴᓂᒃ ᐅᕐᓱᐊᓗᒻᒥᒃ ᒥᓇᕋᕐᓂᐅᑉ ᐃᖏᕐᕋᑎᑕᐅᓂᖓᓄᑦ.  ᐱᓇᓱᐊᕋᑦᓴᒧᑦ ᐅᓐᓂᑑᑏᑦ ᐱᕙᓪᓕᐊᔭᐅᓯᒪᔪᑦ ᖃᐅᔨᒪᐅᓯᖓᒍᑦ ᐊᒻᒪᓗ ᐃᓕᑦᓯᒪᔪᐊᓘᓂᖓᒍᑦ ᐅᕐᓱᐊᓗᒻᒥᒃ-ᑲᒪᔪᑦ ᑖᑦᓱᒪᐅᑉ Petro-Nav.

“ᐅᕐᓱᐊᓗᒻᒥᒃ ᒥᓇᕋᕐᓂᐅᑉ ᐊᐅᓚᑕᐅᓂᖏᑦ ᐊᑐᓪᓗᐊᕆᐊᓕᐅᕗᖅ ᐲᕐᕕᖃᓐᖏᑐᖅ ᐱᒍᑦᔨᓂᖅ ᓄᓇᕕᒻᒥ ᑕᒪᓐᓇᓗ ᐊᐅᓚᑦᔦᓯᒪᓲᖅ ᐅᓗᕆᐊᓇᕐᓯᒍᓐᓇᑐᕐᑕᓕᒻᒥᒃ.  ᐃᓚᒌᓴᖅ ᐃᓕᑕᕐᓯᒪᔪᖅ ᐃᑯᓪᓚᑎᒋᐊᖃᓪᓚᕆᓐᓂᖓᓂᒃ ᐅᓗᕆᐊᓇᕈᓐᓇᑑᑦᓱᓂ ᐊᐅᓚᑕᐅᔪᑦ ᐊᒻᒪᓗ ᐱᓕᕆᐊᖃᖏᓐᓇᓱᓂ ᑲᔪᓯᔪᒥᒃ ᑌᒫᒃ ᑕᒐ, ᐃᓚᒋᑦᓱᒋᑦ ᐱᓇᓱᐊᖃᑎᓂᒃ Petro-Nav ᑖᑦᓱᒥᖓ” ᑐᑭᓯᓐᓇᑎᑦᓯᔪᖅ ᒫᒃ ᐱᓕᐊ ᐃᓚᒌᓴᐅᑉ ᒫᓐᓇᓯᐅᑎᒥᒃ ᑲᒪᔨᒻᒪᕆᖓ.  ᐊᑐᕐᓱᒍ ᑲᑉᐲᑯᑌᑦ ᐱᐅᒃᑯᑏᑦ ᐊᒻᒪᓗ ᐊᑐᕐᑕᐅᔪᑦ ᐅᒥᐊᕐᕈᐊᓕᕆᓂᕐᒧᑦ ᐋᖅᕿᓯᒪᔪᑦ ᐅᑭᐅᕐᑕᑐᒥ ᓄᓇᓂ ᓴᓇᒻᒪᖏᑦ ᑕᒪᑐᒪᐅᑉ ᐃᒪᕐᐱᒥᒃ ᓴᐳᓐᓂᐊᓂᕐᒧᑦ ᐸᕐᓇᑕᐅᒪᔪᖅ, ᐊᖏᕐᑕᐅᒪᑦᓱᓂ ᐱᓇᓱᐊᕐᑕᐅᔪᑦ ᐃᓗᓕᓕᒃ ᓄᑕᐅᓪᓕᑐᐃᓂᕐᓂᒃ ᐊᑦᔨᒌᓐᖏᑐᓂᒃ ᐊᑐᕐᑕᐅᒌᕐᑐᓂᒃ, ᓱᓕᓗ ᐃᓕᐅᖅᖃᑕᐅᒋᐊᓪᓚᓂᖏᓐᓂᒃ ᓄᑖᑦ ᐋᖅᕿᑕᐅᒪᔪᑦ ᐃᓱᐊᖁᑏᑦ, ᐅᑕᖅᕿᐅᑎᐅᔪᑦ ᐊᖏᕐᑕᐅᒍᑎᓂᒃ ᓄᓇᓕᑎᒍᑦ ᐱᓇᓱᐊᕐᕕᓂᑦ.

ᑌᓗᐊᕐᓗᒍ, ᐊᑐᓂᑦ ᓄᓇᓕᒃ ᑕᑯᓂᐊᕐᑐᖅ ᓄᑕᐅᓪᓕᑐᕐᑕᐅᒍᑎᓂᒃ ᓇᐸᓕᕇᕐᑐᑦ ᐅᓯᖏᐊᕈᑏᑦ, ᑕᒪᓐᓇ ᐃᓗᓕᖃᕐᑎᓗᒍ ᐃᓕᐅᖅᖃᑕᐅᓂᖏᓐᓂᒃ ᐃᑯᒪᓂᒃ ᐃᓱᐊᕐᓂᓴᓂᒃ ᐊᖏᓕᐅᒥᓂᐊᕐᒪᑦ ᑲᑉᐲᑯᑕᖏᑦ ᑯᒃᕕᕆᔭᐅᓕᕐᐸᑦ ᐅᕐᓱᐊᓗᒃ, ᐃᖏᕐᕋᑐᐃᓐᓇᓲᖅ ᐊᑕᑐᐃᓐᓇᑐᒥᒃ ᐃᑲᐅᕐᓂᓂ 24 ᓂ ᐅᓪᓗᓕᒫᖅ, ᓱᓕᓗ ᐊᒥᓱᐃᒍᒻᒪᑕ ᐱᓇᓱᐊᕈᑕᐅᔪᑦ ᑲᑉᐲᑯᑕᑦᓴᖏᑦ ᐅᓯᖏᐊᕐᕕᓂ ᕿᕐᓱᑎᕐᓯᒪᓗᓂ ᐋᖅᕿᓯᒪᔪᖅ.  ᓄᑖᑦ ᐃᓱᐊᖁᑏᑦ ᐃᓚᖃᕐᓂᐊᓱᓂ ᐃᓕᐅᖅᖃᑕᐅᓗᑎᒃ ᓇᐸᕈᑌᑦ ᐄᒐᕐᕕᓴᖅ ᐅᒥᐅᔭᕐᒥ, ᓴᓪᓗᓂ ᐊᒻᒪᓗ ᑲᖏᕐᓱᔪᐊᒥ.  ᓄᑖᑦ ᓇᐸᕈᑌᑦ ᐃᓕᔭᐅᓂᖏᑦ ᑕᒐ ᐅᒥᐊᕐᕈᐊᑦ ᐄᒐᕐᕕᓴᖃᕐᓂᐊᒪᑕ ᑕᒪᓐᓇᓗ ᐱᔫᒥᑎᑦᓯᓗᓂ ᐅᒥᐊᕐᕈᐊᑉ ᐊᐅᓚᒌᒃᑯᑎᖓᓂᒃ, ᑕᒪᐅᖓᑐᐃᓐᓈᖏᓐᓂᓴᐅᓂᐊᕐᒪᑦ ᑯᒡᕕᕆᓕᕈᓂ ᐊᒻᒪᓗ ᑭᓐᖒᒪᓇᓲᖅ ᐅᐃᒪᓇᕐᓯᔪᖃᕐᐸᑦ ᑲᒪᒋᐊᖃᕐᑐᖃᕈᓂ.

“ᑕᒪᑐᒥᖓ ᑲᒪᒋᔭᑦᓴᖃᕐᑎᑕᐅᒍᑎᑦᑎᓂᒃ ᑲᔪᓯᒋᐊᓕᓐᓂᒃ ᐱᕙᓪᐊᓕᑎᑦᓯᓂᕐᒥᒃ ᐱᓪᓚᕆᐅᑎᑦᓯᔪᒍᑦ ᐊᑦᓱᐊᓗᒃ” ᐅᖃᕐᑐᖅ ᒥᐊᔨ ᔪᐊᓇᓯ, ᐃᓚᒌᓴᐅᑉ ᐊᖓᔪᖅᖄᒪᕆᖓ ᑕᒐᓗ ᐃᖅᙯᑎᑦᓯᓗᓂ ᐃᓄᒡᒍᑎᑦᓴᓕᐅᕐᓂᒧᑦ ᓯᕗᓕᕐᓂᒥᒃ ᑯᐊᐸᓐᓂᑯᑦ ᑕᕐᕋᒥ.  ᐃᓚᓗᐊᖏᑦ ᓄᑖᑦ ᐃᓱᐊᖁᑎᑦᓭᑦ ᐱᕙᓪᓕᐊᔭᐅᓯᒪᔪᑦ ᐃᓚᒋᕙᐅᒃ ᑕᒪᑐᒧᖓ ᐱᓇᓱᐊᕐᑕᐅᔪᒧᑦ ᐱᕙᓪᓕᖁᑕᐅᓂᐊᕐᓱᓂ ᐅᒥᐊᕐᕈᐊᓄᑦ ᐊᒻᒪᓗ ᐊᑐᓂᑦᓯᐊᖅ ᓄᓇᓕᓐᓂ ᐱᓚᕿᑎᓪᓗᒋᑦ ᑲᑉᐲᑯᑕᖃᕐᓂᐅᑉ ᐊᐅᓚᑕᐅᓂᖓᑕ ᐊᖏᓕᐅᒥᓂᖓᓄᑦ.

- 30 -

ᖃᐅᔨᒋᐊᕐᕕᓴᖅ :

Caroline Mailloux
ᑐᓴᒐᑦᓴᓕᕆᕕᐊᓐᓂ ᐊᒻᒪᓗ ᐃᓄᓕᒫᓄᐊᖓᔪᓕᕆᓂᕐᒥᒃ
ᐃᓚᒌᓴᕐᒥ
caroline.mailloux@fcnq.ca
514 457-9371 ext. 436

PDF