ᑐᓴᕐᑎᓯᐅᑎᖏᑦ ᐊᑐᓂᑦ ᐃᓘᓐᓀᓂᑦ ᐊᒡᒍᓯᒪᔪᓂᑦ ᐱᒍᑦᔨᕕᐅᔪᑦ ᑯᐊᐸᓂᒃ ᐃᓚᒌᓴᕐᑐᓂᒃ, ᑎᒥᐊᕈᖁᑎᖏᓐᓂᓗ-ᓄᓇᕕᒻᒥ ᐅᕐᓱᐊᓗᓕᕆᓂᖅ ᑎᒥᖕᖑᑎᓯᒪᔪᖅ, ᓯᕙᕕᐊᒥ ᐅᕐᓱᐊᓗᓕᕆᓂᖅ ᑎᒥᖕᖑᑎᓯᒪᔪᖅ, ᐃᓚᒌᓴᐅᑉ ᓴᓇᔨᖁᑎᖃᕐᓂᖓ ᑎᒥᖕᖑᑎᓯᒪᔪᖅ, ᑕᕐᕋᒧᑦ ᐅᓯᔩᑦ ᑎᒥᖕᖑᑎᓯᒪᔪᖅ ᐅᓯᑲᑦᑕᑏᑦ ᑲᑎᓐᓂᖅ ᑎᒥᓐᖑᑎᒥᒪᔪᖅ, ᐅᓯᑲᑦᑕᑏᑦ ᐹᑦᓚᔮᑦ ᑎᒥᓐᖑᑎᓯᒪᔪᖅ ᐃᓚᒌᓴᐅᓪᓗ ᐊᕐᕕᑕᐅᑎᓕᕆᕕᖓ ᑎᒥᖕᖑᑎᓯᒪᔪᖅ - ᐊᒻᒪᓗ ᐱᓇᓱᐊᖃᑎᖃᕐᓂᖓ- ᓇᓯᑭᓄᒃᑯᓂᒃ ᓯᕙᕕᐊᒦᑦᑐᓂᒃ ᓄᐃᑎᑕᖏᑦ ᐃᓗᐃᒃᑲᐅᓕᒃᕿᖓᔪᑦ ᐃᑎᕐᑎᑕᖏ ᐅᓄᕐᓂᖓ $242M. ᑲᑎᒪᓂᒻᒪᕆᒃ ᑐᑭᑖᕈᑎᓕᐅᓚᐅᕐᓱᓂ ᐊᖏᕈᑎᒋᑦᓱᒍ ᐅᑎᕐᕕᐅᒍᑎᒥᒃ ᐃᒣᓪᓗᐊᑐᒥᒃ $11.4M ᑖᒃᑯᓄᖓ 14 ᓄᑦ ᑯᐊᐸᓄᑦ ᐃᓚᒌᓴᕐᑐᓄᑦ.

ᑐᓴᕐᑎᓯᐅᑎᖏᑦ ᐊᕐᕌᒍᑕᒫᕐᓯᐅᑏᑦ 14ᓄᑦ ᑯᐊᐸᓄᑦ ᓄᐃᑎᑦᓯᔪᑦ ᐃᑎᕐᑎᑕᖏᑦ  $121M, ᐊᖏᓕᐅᒥᔪᑦ 11% ᒧᑦ ᐊᕐᕌᓂᑕᕐᓂᑦ. ᑕᒐᓗ 2016 ᒍᑎᓪᓗᒍ, ᑖᒃᑯᐊ 14ᑦ ᑯᐊᐯᑦ ᐅᑎᕐᑎᓯᔪᕕᓃᑦ ᑲᑎᓕᕋᒥᒃ ᐃᒣᓪᓗᐊᑐᓂᒃ $6.1M ᐃᓄᖁᑎᒥᓄᑦ.

ᓂᕈᐊᕐᓂᖃᕐᑎᓗᒍ ᑲᔪᓯᒃᑫᔨᓪᓚᕆᑦᓴᓂᒃ ᐊᕐᕌᒍᑕᒫᑦ ᐱᐅᓯᒃᑯᑦ ᐃᓚᒌᓴᐅᑉ ᑲᑎᒪᔨᖏᑕ ᓯᕗᓪᓕᐹᖓᓂᒃ ᑲᑎᒪᓂᖓᓂ ᐃᓱᓕᑐᐊᕐᒪᑦ ᑲᑎᒪᓂᒻᒪᕆᒃ.  ᐋᓕᕙ ᑐᓗᒐᖅ, ᐳᕕᕐᓂᑐᒥᐅᖅ, ᑎᒃᑯᐊᑕᐅᔪᖅ ᐊᖓᔪᒃᖄᒧᑦ; ᓵᓕ ᑕᒃᕿᐊᐱᒃ, ᖁᐊᕐᑕᒥᐅᖅ, ᐃᓕᔭᑎᒃᑯᐊᑕᐅᓚᐅᕐᑐᖅ ᑐᖓᓕᕐᒧᑦ ᐅᖓᕙᒥᑦ; ᓵᔪᐃᓕ ᐅᐃᑖᓗᒃᑐᖅ, ᐃᓄᒃᔪᐊᒥᐅᖅ, ᑎᒃᑯᐊᑕᐅᓚᐅᕐᑐᖅ ᑐᖓᓕᕐᒧᑦ ᑕᓯᐅᔭᕐᔪᐊᒧᑦ.  ᐊᒻᒪᓗ ᒪᕐᕈᒋᐊᓪᓛᒃ ᑲᔪᓯᒃᑫᔨᓪᓚᕆᓄᑦ ᐃᓕᔫᒃ ᒥᐊᔨ ᔪHᐋᓇᔅ, ᑰᑦᔪᐊᒥᐅᖅ, ᓂᕈᐊᕐᓂᑯᑦ, ᐊᒻᒪᓗ ᒫᑭ ᓴᕕᐊᑦᔪᒃ, ᓴᓪᓗᒥᐅᖅ, ᑎᒃᑯᐊᑕᐅᓂᒃᑯᑦ.

ᑲᑎᒪᓂᕐᒥ ᐁᑦᑐᑕᐅᓂᖃᓚᐅᕐᑐᑦ ᑕᓪᓕᒪᓂᒃ ᖃᓪᓗᑎᐊᓗᓐᓂᒃ ᑯᐊᐯᑦ.  ᐱᐅᓯᖃᓲᑦ ᓇᓪᓕᑳᓕᕋᒥᒃ ᓵᓚᓐᓃᔪᑦᓴᓂᒃ ᑮᓇᐅᔭᕐᑎᒍᑦ ᐊᐅᓚᑕᖏᑎᒍᑦ.  ᐲᑕ ᒨᑖᒃ ᖃᓪᓗᑎᐊᓗᒃ ᐱᑦᓯᐊᓂᕐᐹᕕᓂᕐᒧᑦ ᑯᐊᐸᒧᑦ 2016 ᒥ ᑐᓂᔭᐅᑦᓱᓂ, ᐱᖓᑦᓰᓕᕐᑐᑦ ᐅᖓᓕᐊᕇᓂᒃ, ᐃᓄᒃᔪᐊᒥᐅᑦ ᑯᐊᐸᖓᑦ.  ᐋᒃᕿᒋᐊᑦᓯᐊᓂᕐᐹᕕᓂᕐᒧᓗ ᑯᐊᐸᒧᑦ ᖃᓪᓗᑎᐊᓗᒃ 2016 ᒧᑦ ᑐᓂᔭᐅᓚᐅᕐᓱᓂ ᑕᓯᐅᔭᕐᒥᐅᑦ ᑯᐊᐸᖓᓄᑦ.  ᑕᒡᕙᓂ ᐊᕐᕌᒍᕐᒥ, ᐱᖓᓱᒋᐊᓪᓓᑦ ᖃᓪᓗᑎᐊᓗᐃᑦ ᑐᓂᔭᐅᓚᐅᕐᒥᔪᑦ ᐋᖅᕿᒋᐊᑦᓯᐊᓂᕐᐹᕕᓂᕐᒧᑦ ᐱᑦᓯᐊᓂᕐᐹᕕᓂᕐᒧᓗ ᑯᐊᐸᓄᑦ, ᑲᒪᒋᔭᐅᑎᓪᓗᒋᑦ ᑭᑎᒃᔪᑎᑎᒍᑦ ᐊᕐᕌᒎᑫᓐᓇᑐᑦ ᑕᓪᓕᒪᑦ ᑕᑯᑦᓱᒋᑦ.  ᐅᑯᐊᑕᒐ ᓵᓚᓐᓃᔪᕕᓃᑦ

ᐃᑲᔪᕐᑐᓂᕐᐹᒧᑦ ᑯᐊᐸᒧᑦ, ᓯᕗᓪᓕᐹᖅ ᓵᓚᓐᓃᒍᑎᒃ - ᑖᒧᓯ ᑐᓗᒐᖅ ᖃᓪᓗᑎᐊᓗᒃ : ᐃᓄᒃᔪᐊᑉ ᑯᐊᐸᖓᓄᑦ

ᐃᑲᔪᕐᓯᓂᕐᐹᖅ ᑯᐊᐸᒃ, ᑐᖓᓕᐊ ᓵᓚᓐᓃᒍᑎᒃ- ᓵᓕ ᒫᒃ ᖃᓪᓗᑎᐊᓗᒃ : ᓴᓪᓗᐃᑦ ᑯᐊᐸᖓᓄᑦ

ᐃᑲᔪᕐᓯᓂᕐᐹᖅ ᑯᐊᐸᒃ, ᐱᖓᔪᐊᑦ ᓵᓚᓐᓃᒍᑎᒃ-ᑌᕕᑎ ᓈᓚᒃᑎ : ᑲᖏᕐᓱᐊᓗᑦᔪᐊᖅ ᑯᐊᐸᖓᓄᑦ

ᒣ 19 ᒍᑎᓪᓗᒍ, ᐃᓚᒌᓴᖅ ᓇᓪᓕᐅᓂᕐᓯᐅᓚᐅᔪᕗᖅ ᐅᑭᐅᓄᑦ 50ᓄᑦ ᓇᓪᓕᐅᓂᕐᓯᐅᕈᑎᒥᓂᒃ ᓇᓚᐅᑦᓵᑎᑦᓯᓱᑎᒃ ᑯᐊᐸᑦᑐᓂᒃ ᐅᓪᓛᑯᑦ, ᐅᓐᓄᓯᔭᕐᓱᑎᓪᓗ Chateau Vaudreuil ᒦᑦᓱᑎᒃ.  400ᑦ ᐅᖓᑖᓅᕐᑐᓂᒃ ᐃᓄᒃᑕᖃᓚᐅᕐᑐᖅ ᑲᑎᒍᑎᓕᓐᓂᒃ  ᓇᓪᓕᐅᓂᕐᓯᐅᕈᑎᒥᒃ , ᐱᒻᒪᕆᐅᑎᒃᓯᓕᕋᒥᒃ ᐃᓛᓕᐊᓗᒃ ᓄᓇᕕᒻᒥᐅᑦ ᑯᐊᐸᓐᓂᖓᓂᒃ – ᑲᑐᑦᔨᔪᑦ, ᐃᑲᔪᕐᑎᒌᑦᑐᑦ, ᓲᖑᓯᒋᐊᓪᓚᓂᐊᕋᒥᒃ, ᕿᒪᑦᑕᐅᔪᖃᕈᓐᓀᑎᓪᓗᒍᓗ.

PDF