Coordination

ᐊᑕᐅᑦᓯᑰᕐᑎᓯᕕᒃ

ᐊᑕᐅᑦᓯᑰᕐᑎᓯᕕᐅᑉ ᐊᓪᓚᕕᖓ ᐃᓗᓕᓕᒃ ᐃᑎᕐᑐᓕᕆᔨᒥᒃ, ᐅᖃᐅᓯᐅᑉ ᐁᑉᐹᓄᑦ ᓄᑦᑎᑎᕆᔨᒥᒃ, ᐊᓪᓚᑎᖃᕐᓂᒥᓪᓗ ᐳᕐᑐᓂᕐᐹᓄᑦ ᑲᒪᔨᓄᑦ.

ᐊᓪᓚᕕᖃᕐᒥᔪᖅ ᐃᓗᐊᒍᑦ ᐱᑐᑦᓯᒪᔪᒥᒃ ᑖᑦᓱᒧᖓ ᐃᓚᒌᓴᐅᑉ ᑲᒪᔨᒻᒪᕆᖓᓅᓕᖓᔪᒥᒃ ᐊᒻᒪᓗ ᑲᔪᓯᒃᑫᔨᓪᓚᕇᑦ ᑲᑎᒪᔨᖏᓐᓅᓕᖓᔪᒥᒃ.

ᐃᓚᒌᓴᐅᑉ ᑲᔪᓯᒃᑫᔨᓪᓚᕆᖏᑦᑕ ᑲᑎᒪᔨᖏᑦ ᓇᓪᓕᐅᑎᑦᑕᑐᒥᒃ ᑲᑎᒪᓲᑦ ᑲᑎᒪᖃᑎᖃᕐᓱᑎᒃ ᐳᕐᑐᓂᕐᐹᓂᒃ ᑲᒪᔨᓂᒃ ᑕᓚᕖᓴᒃᑯᑦ ᑕᑯᓐᓇᐅᑎᑦᓱᑎᒃ. ᑖᒃᑯᓇᓂᓗ ᑲᑎᒪᓂᕐᓂ, ᑲᔪᓯᒃᑫᔨᓪᓚᕇᑦ ᑲᑎᒪᔨᖏᑦ ᑐᓴᕐᑎᑕᐅᓲᑦ ᐅᓪᓗᒥᒧᑦ ᑎᑭᑦᓱᑎᒃ ᐱᓂᐊᕐᓂᐅᓕᕐᑐᓂᒃ ᐱᓇᓱᐊᕐᑕᐅᔪᓂ, ᑐᑭᓯᓴᕈᑎᖃᕐᓱᑎᒃ ᐃᓚᐅᔪᑦ ᕿᓄᒍᑎᒋᓯᒪᔭᖏᓐᓂᒃ ᐃᒫᙰᕐᓱᑎᓪᓗ ᐃᓚᒌᓴᒥᐅᓂᒃ ᑐᑭᑖᕈᑎᖃᕆᐊᖃᓕᑐᐊᕐᒪᑕ ᖃᓄᓕᒫᖅ.

ᑖᓐᓇ ᐊᓪᓚᕕᒃ ᑲᒪᓲᒍᒻᒥᔪᖅ ᐊᑕᐅᑦᓯᑰᕐᑎᓯᑦᓱᓂ ᐃᓘᓐᓈᒍᑦ ᒪᕐᕈᐃᖑᓲᓂᒃ ᑲᑎᒪᓂᒻᒪᕇᓐᓂᒃ ᐊᕐᕌᒍᑕᒫᕐᓯᐅᑏᓐᓂᒃ, ᑲᑎᒪᔨᓕᒫᖏᓐᓄᑦ ᐃᓚᒌᓴᐅᑉ ᐃᓚᐅᕕᐅᓲᓂᒃ.

ᓯᓂᑦᑕᕕᒋᓂᐊᕐᑕᖏᓐᓂᒃ ᐊᕐᕕᑕᐅᑎᑦᓴᖏᓐᓂᓗ, ᐊᖑᒪᓗᒍᓗ ᑐᓵᔨᖃᕐᓂᒥᒃ ᑲᑎᒪᓕᕐᐸᑕ, ᑲᑎᒪᐅᑏᓪᓗ ᐊᓪᓚᑕᐅᒻᒥᓱᑎᒃ, ᖃᓄᓕᒫᑦᓯᐊᖅ ᐃᓱᐊᕐᑑᑎᑕᐅᒐᓱᐊᕐᑎᓗᒍ ᑕᒪᓐᓇ ᑭᒡᒐᑐᕐᑏᑦ ᑕᒪᕐᒥᒃ ᑖᒃᑯᓇᓐᓂ ᑲᑎᒪᓃᓐᓂ ᐁᓯᒪᑎᑕᐅᒐᓱᐊᕐᓱᑎᒃ ᐃᓚᐅᒋᐊᖃᕐᒪᑕ ᑯᐊᐸᓐᓂᐅᑉ ᖃᓄᐃᓕᒋᐊᕐᓂᓕᒫᖏᓐᓂ ᐊᑑᑎᑎᑕᐅᓲᓂ.