Web Content Display Web Content Display

ᑕᓚᕖᓴᓄᑦ ᐱᑐᑦᓯᒪᐅᑎᓕᕆᕕᒃ

ᑖ°ᓇ ᐱᓕᕆᕕᒃ ᐱᒋᐊᕐᑐᕕᓂᐅᕗᖅ 1997 ᒥ ᐊᔪᐃ°ᓇᓕᓚᐅᕐᑎᓗᒋᑦ ᐱᖓᓲᔪᕐᑑᓱᑎᒃ ᑯᐊᐯᑦ ᑕᑯ°ᓇᕈᑎᑖᕈᒪᑦᓱᑎᒃ ᐱᑐᑦᓯᒪᐅᑎᒥᒃ.

ᑕᓚᕖᓴᓂᒃ ᐱᑐᑦᓯᒪᐅᑎᓕᕆᓂᖅ ᓴᓇᔭᐅᒋᐊᖃᓚᐅᔫᖅ ᓱᓇᖃᖕᖏᑐᓪᓚᕆᒻᒥᑦ ᑖᒃᑯᓇᓂ ᓄᓇᓕᓐᓂ ᐃᓘᓐᓇᓕᒫᑲᓵᖏᓐᓂ. ᐱᒋᐊᕐᓱᓂ ᐃᒻᒥᓂᒃ ᓴᓇᔭᐅᓯᒪᔪᓂᒃ ᐊᑐᓚᐅᔫᒐᓗᐊᖅ, ᑭᓯᐊᓂ ᒫᓐᓇ ᓇᕐᓂᑐᖓᕐᓂᒃ ᐊᑐᓲᖑᓕᕐᑐᑦ ᖃᓪᓗᓈᑦ ᓄᓇᖓᓂᑦ ᐱᓯᒪᔪᓂᒃ ᑕᑯᓐᓇᕈᓐᓇᓱᑎᒃ, ᑕᑯᓐᓇᕋᑦᓴᒥᓂᓗ ᓇᓪᓕᑳᓲᖑᓕᕐᓱᑎᒃ ᐱᔭᐅᒍᓐᓇᑐᓂᒃ ᑕᑯᓐᓇᕈᒪᓲᖏᑦ ᒪᓕᑦᓱᒋᑦ.

ᑖ°ᓇ ᑕᑯ°ᓇᕈᑎᓂᒃ ᐱᑐᑦᓯᒪᐅᑎᒃ ᐊᖏᓕᕙ°ᓕᐊᓯᒪᒐᒥ ᑕᒐ ᑯᐊᐯ°ᓗ ᓄᓇᓕ°ᓂ ᑕᒣ°ᓂ  ᑕ°ᓕᒪᐅᔪᕐᑐᓗ ᓯᑕᒪ°ᓗᓂ ᑕᒐᑕᒐ ᐊᑐᐃ°ᓇᖃᕐᑎᓯᔪᑦ ᑕᑯ°ᓇᕈᑎᖃᕐᓂᒥᒃ ᐱᒍᑦᔨᓂᕐᒥᒃ ᑯᐊᐸᑦᑐᓄᑦ.

ᐃᓚᖏᑦ ᑕᑯᓐᓇᕋᑦᓭᑦ ᑕᑯᓐᓇᓯᐊᕈᑎᖃᕐᑎᑕᐅᒍᓐᓇᐸᓕᕐᑐᑦ, ᓄᐃᑕᑦᓯᐊᓂᕐᐹᑖᕈᒪᓲᓄᑦ.

ᑕᒪᓐᓇ ᐅᓇᒻᒥᒋᔭᐅᓯᒪᔪᖅ ᑲᔪᓯᒍᓐᓇᕕᖃᕋᔭᖕᖏᑐᖅ ᐃᑲᔪᕐᓯᒪᔭᐅᖕᖏᑯᓂ ᓄᓇᓕᓐᓂ ᐱᑐᑦᓯᒪᐅᑎᓕᕆᔨᓄᑦ ᖃᐅᔨᒪᒐᓱᐊᖏᓐᓇᑎᐅᒻᒪᑕ ᑕᓚᕖᓭᑦ ᐃᖏᕐᕋᓯᐊᕋᓗᐊᕐᒪᖔᑕ ᓄᓇᓕᓐᓂ ᐊᒻᒪᓗ ᐃᓚᐅᔪᑦ ᑭᒡᒐᑐᕐᑕᐅᒍᒪᓕᕐᒪᑕ ᑖᕙᓃᖏᓐᓇᓲᒍᑦᓱᑏᕋᒥᒃ. ᐱᑐᑦᓯᒪᐅᑎᓕᕆᔩᑦ ᓇᓪᓕᐅᑎᑦᑕᑐᓂᒃ ᐃᓕᓐᓂᐊᓲᒍᒻᒥᔪᑦ ᖃᐅᔨᒪᒋᐊᓕᒻᒥᓂᒃ ᐊᖑᒪᑦᓰᓇᕋᓱᐊᕆᐊᖃᕋᒥᒃ ᐅᓪᓗᒥ ᑕᓚᕖᓴᓕᕆᓂᕐᒥ ᐱᐅᓯᐅᓕᕐᑐᓂᒃ.

ᓯᓚᕐᔪᐊᕗᑦ ᐊᓯᑦᔨᕙᓪᓕᐊᔪᐹᓘᒻᒪᑦ ᓱᑲᑦᑐᒥᒃ, ᖃᐅᔨᒪᒐᓱᐊᖏᓐᓇᖃᑦᑕᐅᑎᒋᐊᖃᕐᐸᓕᕋᑦᑕ ᐃᓚᐅᔪᖁᑎᕗᓪᓗ ᐃᑯᒪᐅᑎᒨᕐᑐᓂᒃ ᑐᓴᐅᒪᖃᑦᑕᐅᑎᒍᑎᓂᒃ ᐊᑐᕐᓗᑕ. ᑌᒣᒻᒪᓗ ᐃᓚᒌᓴᖅ ᐅᐱᓐᓇᕋᓂ ᑎᓕᔨᓯᒪᕗᖅ ᑐᓴᐅᒪᒍᑎᓕᕆᓂᐅᑉ ᐊᓪᓚᕕᖓᓂᒃ ᐊᐅᓚᑦᓯᓂᐊᕐᑎᓗᒍ ᖃᕆᑕᐅᔭᕐᑎᒍᑦ ᑐᓴᐅᒪᒍᑎᓕᕆᓂᕐᒥᒃ ᑐᓴᕋᑦᓴᑖᕐᕕᐅᓲᓂᓪᓗ ᒪᓂᒪᑎᑦᓯᓗᓂ.

 

Web Content Display Web Content Display