Web Content Display Web Content Display

ᓂᐅᕕᐊᑦᓴᓂᒃ ᐊᒡᒍᑐᐃᕕᒃ

ᓂᐅᕕᐊᑦᓴᓂᒃ ᐊᒡᒍᑐᐃᕕᒃ ᑌᒪᖕᖓᓂᖓᓗᒃ ᐃᓕᒪᔪᖅ ᐃᓚᒌᓴᖅ ᐱᒋᐊᓚᐅᕐᓂᒪᑦ. ᐱᒋᐊᓕᕐᓱᓂ ᒥᑭᔪᒻᒪᕆᐊᐱᓐᓂᒃ ᐊᐅᓚᑦᓯᕙᓚᐅᕐᑑᒐᓗᐊᖅ, ᐅᓪᓗᒥ ᓂᐅᕕᐊᑦᓭᑦ ᐊᕐᖁᓵᕐᑐᑦ ᑕᕝᕘᓇ ᐊᓪᓚᕕᒃᑯᑦ ᐊᕐᕌᒍᑕᒫᑦ ᐅᓇᒻᒥᒋᔭᐅᓂᐅᔭᓚᐅᕐᓯᒪᖕᖏᓚᑦ ᑌᑦᓱᒪᓂ 45 ᐊᕐᕌᒍᐃᑦ ᐊᓂᒍᓕᕐᑎᓗᒋᑦ.

ᕿᑎᕐᖁᓗᒋᑦ, ᐅᓪᓗᑕᒫᕐᓯᐅᑎᒋᑦᓱᒋᑦ ᐱᓇᓱᐊᕐᐸᑕᖏᑦ, ᑖᓐᓇ ᐊᓪᓚᕕᒃ ᑎᑭᑕᐅᕙᓕᕐᑐᖅ, ᐊᒡᒍᓱᒋᓪᓗ ᐊᑐᓂᑦ ᑯᐊᐸᓄᑦ ᐊᐅᓪᓚᑎᑦᓱᒋᓪᓗ 7200 ᐃᑦᓯᕖᑦ ᓂᐊᕕᑦᓭᑦ ᐱᓇᓱᐊᕈᓯᖅ ᑕᒫᑦ ᑯᐊᐸᓅᕐᑐᑦ, ᑲᑎᓕᕋᒥᓪᓗ ᐅᖓᑖᓃᑉᐸᓕᕐᑐᑦ 375,000 ᐃᕐᓯᕖᑦ ᐊᓪᓚᑎᑕᐅᔪᑦ ᐊᕐᕌᒍᑕᒫᑦ. ᒫᓐᓇ ᒪᕐᕉᓕᕐᑑᒃ ᓱᓇᑐᐃᓐᓇᑯᕕᕗᑦ (22,000 ᐊᒻᒪᓗ 40,000 ᐊᖏᓂᓖᒃ ᐃᑎᒐᓐᓂᒃ ᓯᒃᑭᑕᓂᒃ) ᐊᐅᓚᒋᐊᓕᑦᑎᓂᒃ ᐊᐅᓚᑦᓯᕕᒋᑦᓱᒋᒃ.

ᑕᕝᕙᓂ ᐊᕐᕌᒍᒥ, 478 ᓴᕕᕋᔮᓗᐃᑦ ᐊᐅᓪᓚᑎᑕᐅᓚᐅᕐᖁᑦ ᑯᐊᐸᓄᑦ.

ᐅᖓᑖᓃᑦᑐᑦ 3-ᒥᓕᐅᓐ ᑮᓗᐃᑦ ᓴᕕᕋᔮᓗᓐᓄᑦ ᑐᕐᖁᑐᕐᑕᐅᓚᐅᕐᖁᑦ ᓂᐅᕕᐊᑦᓴᖁᑎᖏᑦ ᑯᐊᐯᑦ ᐅᒥᐊᕐᔪᐊᑰᕐᑐᓭᑦ.

ᑖᒃᑯᐊᓗ ᐊᓯᓂᕐᕿᖃᕐᒥᓱᑎᒃ 37-ᓂᒃ ᓄᓇᒃᑰᔫᓂᒃ, 17-ᓂᒃ ᐃᓄᐃᑦ ᐃᓗᒃᑰᑎᑦ ᐱᖏᓐᓂᒃ ᐊᒻᒪᓗ 20-ᓂᒃ ᐅᓯᑲᑦᑕᐅᑎᓂᒃ ᐊᓯᖏᓐᓄᓗ ᓄᓇᒃᑰᔫᓂᒃ ᑕᐅᕐᓯᐅᑎᑦᓴᖏᓐᓂᒃ ᑯᐊᐯᑦ ᓄᓇᒃᑰᔫᖁᑎᖏᑦᑕ.

ᐊᓯᖃᓚᐅᕐᒥᔪᑦ 1,600,000 ᑮᓗᓂᒃ ᓴᕕᕋᔮᓗᓐᓅᖃᕐᓱᒋᑦ ᐊᐅᓪᓚᑎᑕᐅᒋᐊᓖᑦ ᐃᓪᓗᓭᑦ ᐊᑦᔨᒌᖕᖏᑐᓄᑦ ᐃᓪᓗᓕᐅᕐᑐᓴᓄᑦ 2012-ᒥ, ᐊᒻᒪᓗᒋᐊᓪᓚᒃ ᐃᓛᒃᑰᒥᑎᓪᓗᒋᑦ ᐅᖁᒣᑦᑐᓕᕆᐅᑎᐊᓗᐃᑦ ᐊᖏᔪᕐᓚᐅᑏᓪᓗ ᐅᓯᔭᐅᒍᓐᓇᑐᑦ ᑭᓯᐊᓂ ᐅᒥᐊᕐᔪᐊᑉ ᖄᖓᓃᓪᓗᑎᒃ.

ᖃᕆᑕᐅᔭᑦᓴᔦᑦ, ᐊᓪᓚᕖᑦ ᐱᐅᓕᓂᐊᒐᖏᑦ, ᐴᒍᑕᐅᔮᓗᐃᑦ ᑕᓚᕖᓴᓅᓕᖓᔪᑦ, ᐱᓇᓲᑎᑦᓴᖏᑦ ᐅᕐᓱᐊᓗᓐᓂᐊᕖᑦ, ᓯᑯᑦᓴᔦᑦ, ᐴᑦᓴᔦᑦ, ᓂᐅᕕᕐᕖᑦ ᖁᓕᕈᐊᖏᑦ, ᓄᓇᒃᑰᔫᑦ ᐃᓚᑦᓴᖏᑦ.... ᑕᒪᑯᓕᐊᒫᑦᓯᐊᑦ ᐊᒡᒍᑐᐃᕕᒃᑯᑦ ᐊᕐᖁᓵᓲᑦ ᐊᐅᓪᓚᑎᑕᐅᓚᐅᕋᑎᒃ ᑯᐊᐸᓄᑦ.