Web Content Display Web Content Display

ᓴᓇᔨᖁᑎᖃᕐᓂᖅ

ᓴᓇᔨᖁᑎᖃᕐᓂᐅᑉ ᐊᓪᓚᕕᖓ ᑲᒪᒋᔭᖃᓲᖅ ᐃᓪᓗᓂᒃ ᓴᓇᓂᕐᒥᒃ ᓯᖁᒥᓯᒪᔪᕐᓂᐊᑕᐅᓂᖏᓐᓄᓗ ᐃᓚᒌᓴᐅᑉ ᑯᐊᐯᓪᓗ ᐃᓪᓗᖁᑎᖏᑦᑕ.

ᑯᐊᐸᒥᑦ ᒥᑭᓂᕐᐹᒥᑦ ᐊᖏᓂᕐᐹᒧᑦ, ᐃᓪᓗᐃᑦ ᐊᖏᔪᕐᓚᐅᑎᕈᕐᐸᓕᐊᑐᐃᓐᓇᐸᓕᕐᒪᑕ ᐅᓄᕐᓯᕙᓪᓕᐊᑐᐃᓐᓇᓱᑎᓪᓗ ᐊᕐᕌᒎᓯᒪᓕᕐᑐᓂ. ᐊᑐᓂᑦᓯᐊᖅ ᓄᓇᓕᓐᓂ, ᐱᑕᖃᓕᕐᑐᖅ ᐅᕐᖂᓯᓴᐅᑎᖃᕐᓱᑎᒃ ᓂᐅᕕᕐᕕᓂᒃ ᓱᓇᑐᐃᓐᓇᑯᕕᓐᓂᓗ, ᓯᓂᑦᑕᕕᓐᓂᒃ, ᐅᕐᓱᐊᓗᓐᓂᐊᕕᓐᓂᒃ, ᐅᕐᓯᑐᕐᕕᓂᓪᓗ. ᐃᓚᖏᑦ ᐊᓪᓛᑦ ᐱᒋᐊᕐᑎᓯᓯᒪᕙᓕᕐᒥᔪᑦ ᐃᓪᓗᖁᑎᑦᓴᒥᓂᒃ ᓴᓇᑦᓱᑎᒃ ᐊᑦᑕᑐᕐᑕᐅᑎᓂᐊᕐᓱᒍ ᑮᓇᐅᔭᓕᐅᕈᑎᒋᓗᒍ ᐊᒻᒪᓗ ᐊᓪᓚᕕᓗᑳᕆᔭᐅᓂᐊᕐᑐᓂᒃ.

ᑌᑦᓱᒪᓂ ᐱᒋᐊᓕᕐᓱᑎᒃ, ᐃᓪᓗᖁᑎᖏᑦ ᐃᓪᓗᕈᐊᒍᓗᑐᐃᓐᓇᐅᕙᓪᐸᓚᐅᕐᓱᑎᒃ ᒫᓐᓇ ᐃᓗᓕᖃᕆᐊᖃᕐᐸᓕᕐᑐᑦ ᐱᓪᓗᑯᒋᐊᓕᕋᑕᕐᓂᒃ ᐃᓪᓘᑉ ᐃᓱᕐᕉᑎᑦᓴᖏᓐᓂᒃ.

ᐊᐅᓚᑦᓯᒋᐊᖅ ᐃᓪᓗᓕᐅᕐᓂᒥᒃ ᑕᕐᕋᒥ ᐱᔪᓐᓇᑐᓪᓚᕆᐊᓘᒋᐊᖃᕐᐸᓕᕐᒪᑦ ᓯᓚᐅᑉ ᐊᓯᑦᔨᑕᕐᓂᖓ ᐃᑉᐱᒋᔭᐅᒋᐊᖃᓲᖑᓕᕐᒪᑦ ᐱᔭᕆᐊᑐᔫᓂᕐᓴᐅᕙᓕᕐᓱᑎᓪᓗ ᑕᒪᒃᑯᓄᖓ ᐱᓇᓱᐊᕐᓃᑦ ᐊᑕᐅᑦᓯᑰᕐᑎᓯᒐᓱᐊᕐᑐᖃᓕᕋᒥᒃ ᐃᓪᓗᓭ ᐊᐅᓪᓚᑎᑕᐅᓂᖏᓐᓄᑦ ᐊᕐᕕᑕᐅᑎᑦᓴᖏᓪᓗ ᐃᓪᓗᓕᐅᕆᐊᕐᑐᓂᐊᕐᑐᑦ ᐱᓇᓱᑦᑎᓭᑦ.

ᓱᓇᒥᑦᓱᒍ ᐃᓄᑐᐃᓐᓇᓄᑦ ᓇᒻᒥᓂᕆᔭᐅᓪᓚᕆᑦᓱᑎᒃ ᑎᒥᖁᑎᒋᔭᐅᔪᓄᑦ ᑖᓐᓇ ᐃᓚᒋᔭᐅᔪᖅ ᐃᓪᓗᓕᐅᕐᑎᓴᔭᐅᑦᓱᓂ, ᐱᓇᓱᐊᓕᓂᒻᒪᕆᐊᓘᓕᕋᒥ ᐊᕐᕌᒍᓂ ᐊᒥᓱᐊᓗᓐᓂ ᐆᑦᑐᓯᒪᓕᕋᒥᐅᒃ ᑖᓐᓇ ᐃᓚᒌᓴᐅᑉ ᓴᓇᔨᖁᑎᖃᕐᓂᖓ ᑎᒥᖕᖑᑎᓯᒪᔪᖅ, ᐃᓚᒌᓴᐅᑉ ᐊᓚᕕᖁᑎᖏᑦᑕ ᐃᓚᒋᕙᐅᒃ, ᑭᒡᒐᑐᕐᑎᐅᒍᓐᓇᓕᕐᓱᓂ ᒪᓂᒪᑎᑦᓯᓲᖑᓕᕐᓱᓂᓗ ᑭᒡᒐᑑᑎᒥᓂᒃ ᐊᓯᒥᓄᑦ ᑎᒥᐅᔫᒻᒥᔪᓄᑦ ᓇᓕᑭᑦᑑᓕᐅᑎᖃᑕᐅᖃᑦᑕᓱᓂ ᐅᓇᒻᒥᓇᕐᑐᖃᓕᕐᒪᑦ ᐱᓇᓱᐊᕋᑦᓴᒥᒃ.

ᐊᕐᕌᒍᓂ ᐱᑦᔫᒥᓐᓇᑐᓂ, ᑲᑕᒍᑎᓕᐅᕐᓇᑑᒐᓗᐊᓂᓗ, ᑖᑦᓱᒪ ᐊᓪᓚᕕᐅᑉ ᐱᓇᓱᐊᕐᓯᒪᔭᖏᑦ ᐅᓪᓗᒥᒧᑦ ᐃᑎᕐᑎᓯᕙᓕᕐᖁᑦ $20-ᒥᓕᐅᒥᑦ, $25-ᒥᓗᐅᒧᑦ ᑎᑭᑦᓱᒍ ᐊᕐᕌᒍᑕᒫᑦ.